यावल प्रतिनिधी : येथील तालुका कृषी कार्यालयातील विविध महत्वाची पदे रिक्त असल्याने शेतकऱ्यांची परवड होत आहे. त्यामुळे रिक्त पदे भरावी, आकृतीबंध दुप्पट करावा, अशी मागणी होत आहे. कार्यालयात एकूण ६७ पदे आहेत, त्यापैकी ३५ पदे सध्या रिक्त आहेत. प्रगत तंत्रज्ञान शेतकऱ्यांपर्यंत पोहोचविण्यासोबत, कृषी विभागा कडून शेतकऱ्यांना वेळोवेळी मदत मिळणे अपेक्षित आहे.
मात्र, यावल तालुका कृषी कार्यालयात अनेक महत्वाची पदे रिक्त अाहेत. त्यामुळे शेतकऱ्यांपर्यंत विविध शासकीय योजनांचा लाभ पोहोचवण्यासोबतच, त्यांच्या समस्या सोडवण्यात अडचणी येतात. तसेच अनेक योजनांची प्रभावीपणे अंमलबजावी होत नाही. त्यामुळे रिक्त पदे भरून, कर्मचाऱ्यांचा आकृतीबंध दुप्पट केला जावा, अशी मागणी अाहे.
आकडेवारी अशी :
यावल तालुका कृषी कार्यालयात १ तालुका कृषी अधिकारी, ४ मंडळ कृषी अधिकारी, ७ कृषी पर्यवेक्षक, १ सहायक अधीक्षक, १ वरिष्ठ लिपिक, ५ अनुरेखक, ३७ कृषी सहाय्यक/सेवक / तंत्र सहायक, १ वाहन चालक, ६ शिपाई / पहारेकरी अशी एकूण ६७ पदे अाहेत. त्यापैकी ३२ पदांवर अधिकारी कर्मचारी कार्यरत आहेत, तर ३५ पदे रिक्त आहेत.
