मुंबई : राज्यात एकनाथ शिंदे यांनी भाजपासोबत मिळून नवीन सरकार स्थापन केल्यानंतर शिवसेनेला धक्क्यावर धक्के बसत आहेत. दरम्यान, अशात आता शिंदे गटाने शिवसेनेला आणखी एक मोठा धक्का दिला आहे. तो म्हणजे वरुण सरदेसाईंची युवासेना राज्य सचिवपदावरुन हकालपट्टी करण्यात आली आहे.
वरुण सरदेसाई यांच्या हकालपट्टीनंतर शिंदे गटाकडून किरण साळी यांची युवासेनेच्या राज्य सचिवपदी नियुक्ती करण्यात आली आहे. वरुण सरदेसाई आणि शिवसेना पक्षप्रमुख उद्धव ठाकरे यांच्यासाठी हा मोठा धक्का मानण्यात येत आहे.
हे देखील वाचा :
सर्वसामान्यांसाठी खुशखबर..! ‘या’ ब्रँडचे तेल ३० रुपयांनी स्वस्त*
संजय राऊतांचा अमित शहांबाबत खळबळजनक दावा, म्हणाले..
धक्कादायक : स्कूल बस चालकाचा शालेय विद्यार्थीनीवर बलात्कार, असा झाला उलगडा
रावेर तालुक्यातील गारबर्डी धरण क्षेत्रात अडकलेल्या ‘ त्या’ नऊ युवकांची सुखरूप सुटका
दरम्यान, एकनाथ शिंदे शिवसेनेला धक्क्यावर देत आहेत. आमदार खासदारांसह अनेक ठिकाणच्या नगरसेवकांनी शिंदे गटात प्रवेश केला आहे. तर दुसरीकडे माजी नगरसेवक नवीन गवते, अपर्णा गवते, दीपा गवते या तिघांनी शिवसेना सोडून पुन्हा भाजपामध्ये प्रवेश केला आहे. भाजप आमदार गणेश नाईक यांच्या नेतृत्वात या तिघांनी भाजपमध्ये प्रवेश केला आहे. हा पक्षप्रवेश नसून, घरवापसी असल्याची प्रतिक्रिया गणेश नाईक यांनी दिली आहे. या माजी नगरसेवकांसोबतच त्यांच्या कार्यकर्त्यांनी देखील भाजपमध्ये प्रवेश केला आहे. यापूर्वी देखील नवी मुंबईमधील शिवसेनेचे काही माजी नगरसेवक हे शिंदे गटात सहभागी झाल्याने नवी मुंबई शिवसेनेमध्ये मोठी पोकळी निर्माण झाली आहे.
