जळगाव – खान्देश कॉलेज एज्युकेशन सोसायटीच्या अमृत महोत्सवी वर्षानिमित्त महाविद्यालयातील मराठी विभाग आणि कान्ह ललित कला केंद्र यांच्या वतीने कविवर्य कुसुमाग्रज तथा वि.वा.शिरवाडकर यांचा जन्म दिवस ‘मराठी भाषा गौरव दिन’ साजरा करण्यात आला. या कार्यक्रमाचे उद्घाटन महाविद्यालयाचे प्राचार्य डॉ.सं.ना.भारंबे यांच्या हस्ते झाले.या प्रसंगी मनोगत व्यक्त करतांना त्यांनी मराठी भाषेचे जतन आणि संवर्धन करणे हे प्रत्येकाचे कर्तव्य आहे आणि ते आपल्या आचरणातून नेहमी दिसले पाहिजे, असे प्रतिपादन त्यांनी केले.
के.सी.ई संस्थेचे सांस्कृतिक समन्वयक शशिकांत वडोदकर यांनी मराठी भाषेतील संचित सर्वांपर्यंत पोहचविले पाहिजे असे उदगार याप्रसंगी काढले.या कार्यक्रमाचे प्रास्ताविक मराठी विभाग प्रमुख डॉ.विद्या पाटील यांनी केले. यावेळी भाषा प्रशाळेचे प्रमुख डॉ.भूपेंद्र केसुर उपस्थित होते. मराठी भाषा गौरव दिनानिमित्त आयोजित करण्यात आलेल्या सांस्कृतिक कार्यक्रमात गणेश वंदना- मृण्मयी ,मराठी अभिमान गीत, अभंग व गवळण – मयुरी हरिमकर, ज्ञानेश्वर पाथरवट, अण्णाभाऊ साठे यांची छक्कड – ज्ञानेश्वर पाथरवट, पोवाडा ‘शिवबा महाराष्ट्राची शान’- चंद्रकांत इंगळे, पारंपरिक नृत्य खेळगीत – पुष्पा बाविस्कर,सरस्वती बारी, नम्रता मोरे, यामिनी निकुंभ, मनीषा पाटील, मराठी मिक्स व लावणी – मोहिनी,रोहिणी,सायली,मानसी,वृषाली,प्रतिभा,सोनाल, मागू कसा मी- चेतन ठाकरे व वासुदेव – चंद्रकांत सोनगिरे या विद्यार्थ्यांनी गाणी व नृत्य सादर केले. या बरोबरच शर्वरी शेटे, आकाश निकम या विद्यार्थ्यांनी कुसुमाग्रजांच्या कवितांचे सादरीकरण केले. सुप्रिम बरडे या विद्यार्थ्याने नटसम्राट नाटकातील स्वगत, रुपेश पोकळे या विद्यार्थ्याने द.मा.मिरासदार यांची ‘झोप’ कथाचे सादरीकरण केले. या कार्यक्रमाला महाविद्यालयातील विद्यार्थी पारंपरिक वेशभूषेत मोठ्या संख्येने उपस्थित होते. कार्यक्रमाचे सूत्रसंचालन प्रा. गोपीचंद धनगर यांनी केले. कार्यक्रमाच्या यशस्वीतेसाठी डॉ. योगेश महाले, डॉ. विलास धनवे, डॉ. अतुल पाटील, प्रा. अजित पाटील प्रा. हेमंत पाटील, प्रा. अजय शिंदे, प्रा. देवेंद्र गुरव, प्रा. दिनेश माळी यांनी परिश्रम घेतले.
