जळगाव – मुख्य कार्यालयाच्या निर्देशानुसार ताण-तणाव मुक्तीच्या हेतूने महावितरणच्या जळगाव परिमंडळाच्या वतीने जळगाव मंडळातील कर्मचाऱ्यांसाठी मनोरंजनात्मक सांस्कृतिक कार्यक्रम ‘विरंगुळा’चे आयोजन दि.28 जानेवारी 2020 रोजी दुपारी 4.00 वाजता बालगंधर्व खुले नाट्यगृह, जळगाव येथे करण्यात आले आहे.
जादुचे प्रयोग, महावितरण कर्मचाऱ्यांचे कला-गुण सादरीकरण, गीत- संगिताची धमाल मेजवानी व स्नेहभोजन असे मनोरंजनात्मक सांस्कृतिक कार्यक्रमाचे स्वरूप आहे. कार्यक्रमाचे उद्घाटन मुख्य अभियंता श्री. दिपक कुमठेकर यांचे हस्ते होणार आहे. जळगाव मंडळाचे अधीक्षक अभियंता श्री.फारुख शेख, अधीक्षक अभियंता (पायाभुत आराखडा) श्री.चंद्रशेखर मानकर, सहाय्यक महाव्यवस्थापक (मानव संसाधन) श्री.नेमिलाल राठोड यांची प्रमुख उपस्थिती असणार आहे. तेंव्हा कर्मचाऱ्यांनी सहकुटूंब लाभ घ्यावा ,असे आवाहन उपमुख्य औद्योगिक संबंध अधिकारी श्री.अरूण शेलकर यांनी केले आहे.
