पाचोरा, (किशोर रायसाकडा)- पाचोरा – भडगाव विधानसभा मतदार संघांचे शिवसेनेचे आमदार किशोरअप्पा पाटील असतांना भाजप नेते अमोल शिंदे यांच्या वाढदिवस शुभेच्छाचे होर्डिंगवर त्यांच्या चाहत्यांनी ‘आमदार’ म्हणून उल्लेख केल्याने पाचोरा – भडगाव मतदार संघात वाढदिवसानिमित्त शहरात झडकलेले होर्डिंग चांगलेच चर्चेत आले आहे.
भाजपाचे पाचोरा येथील युवा नेते अमोल शिंदे यांनी पुर्ण ताकदीने गेल्या विधानसभा निवडणूक लढविली होती समोर शिवसेनेचे विद्यमान आमदार किशोरअप्पा पाटील मैदानात होते. अमोल शिंदे यांनी विधानसभा ‘अपक्ष’ लढवली होती मात्र त्यांना यावेळी पराभवाला सामोरे जावे लागले होते आणि पुन्हा किशोरअप्पा पाटील यांनी बाजी मारून पाचोरा – भडगाव मतदार संघांचे प्रतिनिधित्व करीत आहे, मात्र अमोल शिंदे यांना मानणारे कार्यकर्ते, चाहते यांनी अमोल शिंदे यांच्या वाढदिवसाच्या बॅनरवर थेट ‘आमदार’ असा उल्लेख केल्याने वाढदिवसाचे बॅनर चांगलेच चर्चेत आले आहे.अमोल शिंदे यांच्या वाढदिवस बॅनर वरिल ‘आमदार’ या उल्लेखाने राजकीय वर्तुळात देखील जोरदार चर्चा होतांना दिसली.
