- पाचोरा शहरातील अस्वच्छतेच्या निषेधार्थ माजी सैनिक स्वच्छतेसाठी उतरले रस्त्यावर
- न.पा.प्रशासन आता तरी जागे होईल का?
- आता छ.शिवाजी महाराज चौका पासुन अभियान सुरू
पाचोरा – नगरपालिका प्रशासन व सत्ताधारी यांच्या मूलभूत सुविधेचा कारभार (विशेषता स्वच्छतेबाबत) सर्व सर्वश्रुत आहे वेळोवेळी तक्रारी करून देखील स्वच्छतेसंदर्भात व रोग- राई फवारणी तसेच गटार सफाई संदर्भात कुणीही लक्ष देण्यास तयार नाही याकरिता वरिष्ठांचे लक्ष वेधण्यासाठी भारतीय सैन्यदलातील सेवानिवृत्त झालेले माजी सैनिक आज स्वतः सफाईसाठी छत्रपती शिवाजी महाराज चौकापासून रस्त्यावर उतरले होते.
त्याच बरोबर पाचोरा येथील पत्रकार बांधवांची आज दहा वाजता शासकीय विश्रामगृह बैठक आयोजित केली होती. ते देखील स्वतः गटारी शहरात असलेले ठिकाणांची उकीरडे उचलण्यासाठी अभियान निश्चित करणार आहेत.निदान कुंभकरणी झोपेत व कागदोपत्री स्वच्छता करण्याबाबतचे पैसे लाटणाऱ्या व टक्केवारी खाणाऱ्या मागच्या दाराने ठेके घेणाऱ्या सत्ताधाऱ्यांना याची जाणीव तरी होईल का अशी चर्चा दबक्या आवाजात सुरु होती.
