पहूर ता. जामनेर । सायकलेने घरी जात असतांना रस्ता आडवून एका १३ वर्षीय अल्पवयीन मुलीचा विनयभंग केल्याचा प्रकार पहूर येथे उघडकीला आला आहे. याप्रकरणी अक्षय अर्जून मोरे (वय-२०) विरुद्ध पहूर पोलीस ठाण्या गुन्हा दाखल करण्यात आला आहे.
याबाबत असे कि, शहरातील १३ वर्षीय अल्पवयीन मुलगी आपल्या कुटुंबियासह राहते. २३ ऑक्टोबर रोजी सायंकाळी साडे सात वाजेच्या सुमारास मुलगी सायकलेने घरी जात असतांना गावातील अक्षय मोरे याने रस्ता आडवून मुलीचा विनयभंग केला. पोलीसात गेला तर मुले जमा करून मारहाण करेल अशी धमकी दिली.
याप्रकरणी पिडीत मुलीने संशयित आरोपी अक्षय मोरे यांच्या विरोधात तक्रार दिली. मुलीच्या तक्रारीवरून पहूर पोलीस ठाण्यात विनयभंगचा गुन्हा दाखल करण्यात आला आहे. पुढील तपास पोउनि संजय बनसोड करीत आहे.
