ऊसतोड कामगारांच्या प्रश्नावर राष्ट्रवादीचे अध्यक्ष खा. शरद पवार यांच्या उपस्थितीत सर्वपक्षीय नेत्यांची बैठक झाली. भाजपच्या माजी मंत्री पंकजा मुंडे उपस्थित होत्या. बैठकीनंतर पंकजा मुंडे यांनी शरद पवार यांच्या काम करण्याच्या स्टॅमिना बाबत तोंडभरून कौतुक करणारं ट्विट केलं आहे.
पंकजा मुंडे यांनी शरद पवार यांना सलाम करत… कोरोनाच्या परिस्थितीत इतका दौरा, आपली बैठक आणि आपल्या काम करण्याच्या स्टॅमिनाचे अप्रूप वाटले…पक्ष ,विचार आणि राजकारण वेगळे जरी असले तरी कष्ट करणाऱ्याविषयी आदर व्यक्त करायचे मुंडे साहेबांनी शिकवले आहे,’ असं ट्वीट करत तोंड भरून कौतुक केले आहे.
भाजपच्या माजी मंत्री पंकजा मुंडे, व राष्ट्रवादीचे मंत्री धनंजय मुंडे आज या बैठकी निमित्त एकत्र आले होते. बैठकीत शेजारीच बसल्याने बहीण भावांमध्ये ‘गोडवा’ झाल्याची जोरदार चर्चा होत आहे.
