चाळीसगाव (किशोर शेवरे)-
प्रा.आ.केंद्र-तरवाडे,उपकेंद्र-वडाळा वडाळी,ता.चाळीसगाव या अंतर्गत डेंग्यू नियंत्रन व प्रतिबंध उपाययोजना मोहिमेला सुरुवात झालेली आहे.डॉ.दिलीप पोटोडे,जिल्हा आरोग्य अधिकारी जि. प.जळगाव, डॉ.अपर्णा पाटील जिल्हा हिवताप अधिकारी जळगाव,डॉ.विशाल पाटील तालुका आरोग्य अधिकारी चाळीसगाव, डॉ.अजय परदेशी वैद्यकिय अधिकारी प्रा.आ.केंद्र-तरवाडे, भागवत देवरे ता.आरोग्य पर्येंवेक्षक,ममराज राठोड ता.आरोग्य हिवताप पर्येंवेक्षक,बी.के.पवार आरोग्य सहायक प्रा.आ.केंद्र तरवाडे यांचे मार्गदर्शनाखाली प्रा.आ.केंद्र तरवाडे अंतर्गत असलेल्या उपकेंद्र वडाळा वडाळी आणि अंतर्गत गावात डेंग्यू नियंत्रण प्रतिबंध उपाययोजना मोहिमेस सुरुवात झालेली आहे.गावात जाऊन गृहभेटी करून कंटेनर सर्वेक्षण करून अबेटिंग करण्यात येत आहे.तापाच्या रुग्णाचे रक्तनमुने घेण्यात येत आहे.आठवड्यातून एक दिवस कोरडा दिवस पाळण्यासाठी ग्रामस्थांना आरोग्य शिक्षण देण्यात येत आहे.डासांची उत्पत्ती रांजण, माठ, हौद,कुलर,नारळाच्या करवंट्या ,टायर,फुलदानी, इ.मध्ये आठ दिवसापेक्षा जास्त काळ पाणी साठून राहिल्यास त्यात होतो.डेंग्यू,या आजाराचा प्रसार एडिस नावाच्या डासांमार्फत होतो.ताप ,डोकेदुखि, मळमळ,अंगावर पुरळ येणे,सांधे दुखणे हे प्रमुख लक्षणे आहेत. अशी जनजागृती /मार्गदर्शन करून ग्रामस्थांना आरोग्य शिक्षन देण्यात येत आहे.सोबत चिकूनगुणिया,मलेरिया हत्तीपायरोग इ.आजारासंदर्भात जनजागृती करण्यात येत आहे.त्या कामी दिपक ठाकरे आरोग्य सेवक,वैशाली वाघ आरोग्य सेविका, संध्या पाटील आशा,लता पाटील आशा,प्रतिभा पाटील आशा,माया कडवे आशा,शोभा पाटील आशा.यांच्यामार्फत सर्वेक्षण करून पोम्लेट वाटप करून जनजागृती करन्यात येत आहे.
