जामनेर प्रतिनिधी । एका तरुणाने आपल्या गावातील एका ३५ वर्षीय महिलेला मारहाण व चाकूचा धाक दाखवून तिच्यावर अत्याचार केल्याचा संतापजनक घटना समोर आलीय. याबाबत गणेश भागवत मोहिते याच्याविरुद्ध पहूर पोलीस ठाण्यात तरूणावर गुन्हा दाखल करण्यात आला आहे.
काय आहे घटना
जामनेर तालुक्यातील एका गावात राहणारी ३५ वर्षीय महिला आपल्या कुटुंबीयांसह राहते. गावातील गणेश भागवत मोहिते याने ३१ डिसेंबर रोजी रात्री १२.३० ते १ वाजेच्या दरम्यान महिलेच्या घराच्या खिडकीतून आत आला. संशयित आरोपी गणेश मोहितेने महिलेला चाकूचा धाक दाखवून तिला तिच्या घराच्या खिडकीतून बाहेर ओढत नेले. घराच्या बाजूच्या बांधकाम चालू असलेल्या घराच्या रूममध्ये घेऊन तिला मारहाण करून तिच्यावर अत्याचार केला. याप्रकरणी महिलेच्या फिर्यादीवरून पहूर पोलिस ठाण्यात संशयित आरोपी गणेश भागवत मोहिते (वय-३२) याच्यावर बलात्काराचा गुन्हा दाखल करण्यात आला आहे. पुढील तपास पोलिस उपविभागीय अधिकारी भारत काकडे करीत आहे.
