मुंबई,(प्रतिनिधी)- भाजपा पक्ष प्रवेशानंतर डॉ. केतकी पाटील यांना पक्षाने पक्ष बांधणी आणि संघटनात्मक काम करण्याची संधी देत भाजपाच्या महाराष्ट्र महिला प्रदेश उपाध्यक्ष पदी निवड करून मोठी जबाबदारी सोपवली आहे. दरम्यान आज शेकडो कार्यकर्त्यांसह काँग्रेसचे जेष्ठ नेते डॉ. उल्हास पाटील आणि त्यांच्या कन्या डॉ.केतकी पाटील यांनी भाजपात प्रवेश केल्यानंतर राज्याचे उपमुख्यमंत्री देवेंद्र फडणवीस यांची मुंबईतचं भेट घेतली.
यावेळी पक्षप्रवेश आणि नव्याने देण्यात आलेल्या जबाबदारी बाबत डॉ. केतकी पाटील यांचे उपमुख्यमंत्री देवेंद्र फडणवीस यांनी पुष्पगुच्छ देऊन शुभेच्छा दिल्या. यावेळी सोबत माजी खा.डॉ उल्हास पाटील,देवेंद्र मराठे व इतर पदाधिकारी कार्यकर्ते व पदाधिकारी उपस्थित होते.
