जळगाव – जी. एच. रायसोनी अभियांत्रिकी महाविदयालयाच्या ट्रेनिंग अ‍ॅण्ड प्लेसमेंट विभाग उत्कृष्ट नियोजन करीत विद्यार्थ्यांच्या विविध तांत्रिक सॉप्ट स्किल्सवर विशेष भर देऊन मुलांना रोजगारक्षम बनविण्यात महत्वाची भुमिका बजावत आहे. मागील काळात विविध क्षेत्रात लागणार्या विशेष कौशल्याची नोंद घेत महाविदयालयातील तसेच उदयोग क्षेत्रातील तज्ञांचे प्रशिक्षण घेण्यात आले़.
याचाच परिणाम म्हणुन नुकत्याच झालेल्या मूथूट मायक्रोफिन, आयसीआयसीआय बँक, उत्कर्षा बँक, या बँकाच्या खुल्या परिसर मुलाखतीत रायसोनी अभियांत्रिकी महाविध्यालयातील नम्रता लाड, श्रुती जोशी, ताबिश शेख, सिद्धांत शर्मा, गुरुप्रसाद साळी, स्नेहल वानखेडे, सोनाली बडगुजर, प्रतिक भावसार, ऋषिकेश चौधरी या विद्यार्थ्यांची निवड झाली आहे. सदर परिसर मुलाखतीत रायसोनी अभियांत्रिकी महाविध्यालयातील संगणकशास्त्र, इलेक्ट्रिकल, आयटीच्या अनेक विध्यार्थ्यानी सहभाग नोंदविला होता. यावेळी अ‍ॅप्टीटयुड टेस्ट, व्येयक्तिक मुलाखत या माध्यमातून विद्यार्थ्यांची निवड करण्यात आली़. निवड झालेल्या विद्यार्थ्यांना बँकिग ऑफिसर, फिल्ड ऑफिसर या पदावर कार्यरत होण्याची संधी मिळणार आहे तसेच निवड झालेल्या विद्यार्थ्यांना ऑफर लेटर देण्यात येणार आहे. निवड झालेल्या विद्यार्थ्यांचे रायसोनी इस्टीट्यूटचे संचालक प्रितम रायसोनी, संचालिका प्रा. डॉ. प्रिती अग्रवाल व रायसोनी अभियांत्रिकी महाविध्यालयाचे प्राचार्य डॉ. ए. जी. मॅथ्यू यांनी अभिनंदन केले़. तर परीसर मुलाखत यशस्वीरीत्या पार पाडण्यासाठी ट्रेनिंग अ‍ॅण्ड प्लेसमेंट विभागाचे प्रमुख प्रा़ पंकज पाटील, प्रा. हर्षद पाटील यांनी परिश्रम घेतले.
