जळगाव – जिल्हा परिषद अध्यक्षपदासाठी महिला सर्वसाधारणचे आरक्षण निघाल्याने सत्ताधारी भाजपचे इच्छुक दिग्जांच्या आकांक्षावर पाणी फिरले आहे. गेल्या दोन दिवसांपासून पुन्हा जिल्हा परिषद मधील महिला सभापतींसह सदस्यांमध्ये अध्यक्षपदासाठी चुरस निर्माण झाली असून वरिष्ठांकडे फिल्डींग लावली जात आहे.
एकीकडे भाजपचा अध्यक्ष होईल, असा दावा सत्ताधारी करीत आहे. तर विरोधी गटातून महाशिवआघाडीच्या महिला अध्यक्ष होण्यासाठी व्युहरचना केली जात आहे. शिवसेनेसह राष्ट्रवादी काँग्रेसने कंबर कसली आहे.
अध्यक्षपदासाठी भाजपचे दावेदार उमेदवारांमध्ये महिला व बालकल्याण सभापती रजनी चव्हाण, ना. उज्वला पाटील माधुरी अत्तरदे यांची नावे चर्चित होती.
मात्र, राजकीय घडामोडीनंतर ऐनपूर-खिरवड गटाच्या सदस्या रंजना प्रल्हाद पाटील, विद्या दिलीप खोडपे, कल्पना राजेश पाटील, सुनिता विलास पाटील यांची नावे आघाडीवर आहेत.
दरम्यान, महाशिवआघाडी झाली तर जयश्री अनिल पाटील, अरुणा रामदास पाटील, सरोजनी संजय गरुड, प्रमिला राघो पाटील, रेखा दीपकसिंह राजपूत, विजया दिलीप पाटील अश महिला उमेदवारांची नावे चर्चित आली आहे.
