जळगाव,(प्रतिनिधी)- जळगाव जिल्ह्यातील ९७ ग्रामपंचायतींमधील रिक्त ९८ जागांसाठी पोटनिवडणूक कार्यक्रम जाहीर असून २५ एप्रिल २०२३ पासून उमेदवारी अर्ज दाखल करता येणार आहे तर १८ मे रोजी मतदान होणार आहे.
ग्रामपंचायत मधील मयत झालेल्या सदस्यांमुळे रिक्त झालेल्या जागासाठी व काही कारणास्तव अपात्र ठरलेल्या जागांच्या रिक्त जागा करिता ही पोटनिवडणूक होत आहे. त्यानुसार २५ एप्रिल ते १ मेदरम्यान अर्ज विक्री व उमेदवारी अर्ज स्वीकारले जाणार आहेत. ३ मे रोजी छाननी होणार असून ८ मेपर्यंत उमेदवारी अर्ज मागे घेता येणार आहेत. १८ मे रोजी मतदान व दि. १९ रोजी मतमोजणी होणार आहे.
तालुकानिहाय जागा
मुक्ताईनगर ८, जामनेर ७. चाळीसगाव १४, रावेर ११, जळगाव ४, भुसावळ १, यावल १३, बोदवड २, पारोळा २, धरणगाव ४, पाचोरा ९, अमळनेर १५ व चोपडा ७.
