जळगाव : जळगाव जिल्ह्यात राष्ट्रवादीला धक्क्यावर धक्के बसत असल्याचे दिसून येतेय. दोनच दिवसांपूर्वी जळगाव जिल्हा बँकेच्या अध्यक्षपदाचा निकाल लागला. या निवडणुकतही राष्ट्रवादीचे नेते एकनाथ खडसे यांना धक्का बसला आहे. या निवडणुकीमध्ये राष्ट्रवादीच्या उमेदवाराचा पराभव झाला आहे. यानंतर राष्ट्रवादीला आणखी एक धक्का बसला आहे.
पाचोरा तालुक्यातील लोहारा गावातील राष्ट्रवादी काँग्रेसच्या पदाधिकाऱ्यांनी व कार्यकर्त्यांनी भाजपमध्ये प्रवेश केला आहे.मंत्री गिरीश महाजनांच्या उपस्थितीमध्ये पदाधिकारी आणि कार्यकर्त्यांनी भाजपमध्ये प्रवेश केला आहे. आगामी निवडणुकीच्या पार्श्वभूमीवर राष्ट्रवादीसाठी हा मोठा धक्का मानण्यात येत आहे.
येणाऱ्या निवडणुकीसाठी आतापासूनच भाजपकडून रणनिती आखण्यास सुरुवात झाली आहे. त्या पार्श्वभूमीवर हे पक्षांतर महत्त्वाचे मानले जात आहे.
