मालदा : देशभरात महिलांसह अल्पवयीन मुलींवर होणारे अत्याचार दिवसेंदिवस वाढत असल्याचे दिसत आहे. अशातच एक खळबळजनक घटना समोर आलीय. पश्चिम बंगालमधील मालदा जिल्ह्यात एका 81 वर्षीय व्यक्तीने चार वर्षांच्या मुलीवर बलात्कार केला. ही घटना मालदा येथील गजोळ भागातील असून शुक्रवारी (५ मे) सायंकाळी मुलगी घराबाहेर खेळत होती. आरोपीने तरुणीला चॉकलेटचे आमिष दाखवून बोलावले आणि निर्जन भागात नेऊन हा गुन्हा केला. पोलिसांनी आरोपीला अटक केली आहे.
बंकिम चंद्र रॉय असे आरोपीचे नाव आहे. रॉयने मुलीवर बलात्कार केला तेव्हा मुलगी रडत रडत तिच्या पालकांकडे गेली आणि तिच्या प्रायव्हेट पार्टमध्ये दुखत असल्याची तक्रार केली. त्यानंतर त्यांना रुग्णालयात नेण्यात आले. तपासणीनंतर डॉक्टरांनी मुलीवर लैंगिक अत्याचार झाल्याची पुष्टी केली. मिळालेल्या माहितीनुसार, मुलीची प्रकृती गंभीर होती.
चॉकलेटचे आमिष दाखवून गुन्हा केला
याप्रकरणी पीडितेच्या नातेवाईकांनी गाजोळ पोलिस ठाण्यात तक्रार दाखल केली, त्यानंतर तपास सुरू करून पोलिसांनी आरोपीला पकडले. मुलीच्या वडिलांनी तक्रारीत म्हटले आहे की, ‘माझी मुलगी बेनियाल मोडजवळील किराणा दुकान आणि डॉक्टरांच्या दवाखान्याजवळ खेळत होती, तेव्हा बंकिम चंद्र रॉय याने तिला चॉकलेटचे आमिष दाखवून नापाक हेतूने नेले आणि तिच्यावर लैंगिक अत्याचार केला.’ तक्रारीच्या आधारे पोलिसांनी आरोपीला त्याच्या घरातून अटक केली.
पोक्सो कायद्यान्वये गुन्हा दाखल
पोलिसांच्या चौकशीत आरोपी रॉयनेही आपला गुन्हा मान्य केला आहे. पोलिस अधीक्षक प्रदीप कुमार यादव यांनी आरोपींविरुद्ध मुलांचे लैंगिक गुन्ह्यांपासून संरक्षण (पोक्सो) कायद्यांतर्गत गुन्हा दाखल केला आहे. अधिकाऱ्याने आरोपींना कठोरात कठोर शिक्षा करण्याचे आश्वासन दिले आहे.
