पाचोरा : पाचोरा तालुक्यात एक दुर्दैवी घटना घडलीय. वाळू वाहतूक करणार्‍या ट्रॅक्टरचे टायर फुटल्याने ट्रॅक्टर इलेक्ट्रीक खांबावर आदळले व पल्टी झाले. यामध्ये २० वर्षीय तरुणाच्या डोक्याला व चेहर्‍याला जबरी मार लागल्याने जागीच मृत्यू झाल्याची घटना आज शनिवारी पहाटे तीन वाजेच्या दरम्यान भडगाव रोडवरील हॉटेल स्वप्नशिल्प समोर घडली.
चिंचखेडा खु तालुका पाचोरा येथील पवन हिम्मत पाटील (वय – २०) वर्ष हा कृष्णापूरी येथील एका इसमाचे ट्रॅक्टरवर चालक म्हणून काम करत होता. शनिवारी पहाटे तीन वाजेच्या दरम्यान गिरणा नदीपात्रातून वाळू भरुन पाचोरा शहराकडे भरधाव वेगाने येत असतांना हॉटेल स्वप्नशिल्प समोर अचानक टायर फुटला त्यामुळे चालकाचा वाहनावरील ताबा सुटल्याने ट्रॉक्टर चांदवड – जळगाव महामार्गावरील इलेक्ट्रीक खांबावर आदळले व पल्टी झाले त्यात पवन हिम्मत पाटील यांच्या डोक्याला व चेहर्‍याला जबरी मार लागला. त्यात पवन हा जागेवर ठार झाला.
हे पण वाचा…
पतीसह मुलं हॉलमध्ये झोपले होते, तिकडे पत्नीनं केलं हादरवून सोडणार कृत्य ; जळगावातील घटना
आता GST बाबत मोदी सरकारने उचलले मोठे पाऊल, येत्या 2 महिन्यात सरकार करणार हा बदल!
आमचं सरकार आल्यापासून लोकच नाही तर.. गुलाबरावांचं आपल्याच सरकारविरोधात खळबळजनक व्यक्तव्य
घरकाम करणार्‍या महिलेकडे शरीरसुखाची मागणी ; पुण्यात IPS अधिकाऱ्याविरुद्ध गुन्हा दाखल
धक्कादायक बाब म्हणजे घटनेची माहिती मिळाल्यानंतर संबंधीत वाहन मालक व त्याच्या साथीदारांनी तात्काळ तुटलेला खांब व वाळू दुसर्‍या वाहनात भरुन पुरावा नष्ट करण्याचा प्रयत्न केला. पवन हा आई वडीलास एकुलता एक मुलगा होता. त्याचे वडील हिम्मत पाटील हे सारोळा बु ता. पाचोरा येथील अविनाश देशमुख यांचेकडे मजूरी करतात. पवन यास एक बहिण व वृद्ध आई – वडील असा परिवार आहे. त्याच्या मृत्यूने परिसरावर शोककळा पसरली आहे.
