यावल (प्रतिनिधी)- तालुक्यातील चितोडा येथील राहणाऱ्या एका अपंग शेतमजुराची विहिरीत उडी घेवुन आत्महत्या पोलीसात अक्समात मृत्युची नोंद करण्यात आली आहे. या संदर्भात पोलीस सुत्रांकडुन मिळालेल्या माहीतीनुसार चितोडा तालुका यावल येथील राहणारे युवराज काशीनाथ कोलते वय४० वर्ष दोघ पायांनी अपंग त्यास दारू पिण्याचे व्यसन जळले होते , तो दिनांक २७ मार्च रोजी सकाळच्या ९वाजे पासुन यावल येथे दवाखान्यात जातो असे सांगुन गेला होता परंतु तो आला नाही त्यामुळे शोधाशोध घेतल्यानंतर त्याचे वडील काशीनाथ पंढरीनाथ कोलते यांनी दिनांक २९ मार्च रोजी यावल पोलीस स्टेशनमध्ये हरवल्याची नोंद केली.
दरम्यान आज दिनांक ३० मार्च रोजी सकाळी ७ वाजता यावल शिवारातील देवीदास तुकाराम पाटील यांच्या शेतातील विहीरीतुन दुर्गंधीचा वास येत असतांना विहीरी जवळ पाहण्यासाठी गेले असता युवराज कोलते यांने घातलेला पांढरसर गुलाबी रंगाचा शर्ट हा विहीरीच्या कठड्यावर मिळुन आले व त्यांच्या नातेवाईकांना हा शर्ट युवराजचा असल्याची खातरी झाल्यावर अखेर त्यांनी नागरीकांच्या मदतीने मृत अवस्थेतील युवराज कोलते याचे प्रेत विहीरीतील पाण्याचा उपसा कमी करून काढण्यात आले.
याबाबत मयताचा चुलत भाऊ मनोज दिगंबर पाटील यांनी खबर दिल्याने यावल पोलीस स्टेशनमध्ये अक्समात मृत्युची नोंद करण्यात आली असुन , पुढील तपास पोलीस करीत आहे . मयत युवराज कोलते यांच्या मृतदेहाचे शवविच्छेदन यावल ग्रामीण वैद्यकीय अधिकारी डॉ .बी बी बारेला यांनी केले .
