कोरोनाचा विस्फोट! २४ तासात देशात २ लाख ४७ हजार नवे बाधित आढळले

नवी दिल्ली : बुधवारचा दिवस कोरोना विषाणूच्या बाबतीत देशात भयंकर ठरला. देशात गेल्या २४ तासांच्या कोरोनाचे २ लाख ४७ हजार ४१७ नवे बाधित आढळले आहेत. तसेच गेल्या 24 तासात 84 हजार 825 रुग्ण कोरोनामुक्त झाले आहेत. तर 379 लोकांचा मृत्यू झाला आहे.

24 तासात नवीन कोरोना रुग्णांमध्ये 27 टक्क्यांनी वाढ 
एका दिवसात कोरोनाच्या नवीन प्रकरणांमध्ये 27 टक्क्यांनी वाढ झाली आहे. तथापि, जर आपण देशातील सक्रिय रुग्णांबद्दल म्हणजे उपचार घेत असलेल्या रुग्णांबद्दल बोललो, तर या संख्येत 1 लाख 61 हजार 721 ची वाढ झाली आहे. सध्या देशात 11.17 लाख सक्रिय रुग्ण आहेत. तिसऱ्या लाटेत अॅक्टिव्ह केसने प्रथमच ११ लाखांचा आकडा पार केला आहे.

दैनिक सकारात्मकता दर 13.11%
यापूर्वी मंगळवारी १.९३ लाख लोकांना संसर्ग झाल्याचे आढळले होते. देशात आतापर्यंत एकूण 3.63 कोटी लोकांना संसर्ग झाला आहे, त्यापैकी 3.47 कोटी लोक बरे झाले आहेत. आतापर्यंत 4,85,036 लोकांचा मृत्यू झाला आहे. संपूर्ण देशातील कोरोना संसर्ग दर आता 13.11 वर पोहोचला आहे.

ओमिक्रॉन बाधितांची संख्या 5 हजारांच्या पार
देशातील ओमिक्रॉन बाधितांची संख्या देखील वाढली असून 5 हजार 488 वर पोहोचली आहे. महाराष्ट्रातील महाराष्ट्रात काल 86 ओमिक्रॉन रुग्णांची नोंद झालीय.सर्वाधिक 54 रुग्णांची पुण्यात नोंद झालीय. महाराष्ट्रात आतापर्यंत 1367 ओमिक्रॉन रुग्णांची नोंद झालीय.734 जणांना आतापर्यंत डिस्चार्ज मिळाला आहे