जळगाव (प्रतिनिधी) – ‘तर मग ठरल…नाथाभाऊ राष्ट्रवादीमध्ये प्रवेश करणार ? उद्या सायंकाळी मुंबईत राष्ट्रवादी काँग्रेस मध्ये प्रवेश करणार खास समर्थकांना निरोप’ अशा मजकुराचा मॅसेज आता सोशल मीडियात फिरत असतांना मुक्ताईनगर तालुक्यात माजी मंत्री एकनाथराव खडसे यांच्या समर्थकांनी बॅनर लावत
भाऊ तुम्ही बांधाल तेच तोरण… तुम्ही ठरवाल तेच धोरण असा मजकूर टाकून आम्ही सदैव आपल्या सोबत असल्याचे बॅनर झळकल्याने एकनाथराव खडसे यांच्या राष्ट्रवादी प्रवेशाची चर्चा पुन्हा जोर धरू लागली आहे.
खडसेंच्या प्रवेशाबाबत त्यांचे विश्वसनीय समर्थकांचे म्हणणं आहे की येत्या तीन चार दिवसात भाऊ राष्ट्रवादी काँग्रेस मध्ये प्रवेश करतील. मात्र अद्यापही एकनाथराव खडसे यांनी राष्ट्रवादी प्रवेशावर अधिकृत घोषणा केलेली नाही.
