पंढरपूर – मंगळवेढा – पंढरपूर विधानसभा पोटनिवडणूक दरम्यान आपला नेता आमदार होतं नाही तोवर चप्पल घालणार नाही अशी ‘शपथ’ घेणाऱ्या कार्यकर्त्यांचे अखेर ‘समाधान’ झाले असून भाजपचे उमेदवार समाधान अवताडे हे या मतदार संघात विजयी ठरले आहे. त्यामुळं त्यांच्यावर प्रेम करणाऱ्या या कार्यकर्त्याचा संकल्प पूर्ण झाल्याचे पाहायला मिळाले.
सविस्तर असे की, मंगळवेढा – पंढरपूर विधानसभा पोटनिवडणूक दरम्यान भाजपचे उमेदवार समाधान अवताडे यांचे कार्यकर्ते दत्ता साबणे यांनी आपला नेता ‘आमदार’ होतं नाही तोपर्यंत चप्पल घालणार नाही अशी ‘शपथ’ घेतली होती.या मतदार संघात भाजपचे उमेदवार समाधान अवताडे हे विजयी ठरल्याने या कार्यकर्त्याची अखेर मनोकामना पूर्ण झाली आहे.
नवनिर्वाचित आमदाराकडून सन्मान
मंगळवेढा – पंढरपूर विधानसभा मतदार संघांचे नवनिर्वाचित आमदार समाधान अवताडे यांनी
आपल्यावर प्रेम करणाऱ्या दत्ता साबणे या कार्यकर्त्यांच्या घरी जाऊन यथोचित सन्मान केला आहे.तर अशी जिवाभावाची, प्रेमाची आपली माणसे सोबत असल्यावर लढण्यासाठी आपसूक ‘बळ’ वाढतं असं नवनिर्वाचित आमदार समाधान अवताडे यांनी ट्विट करून म्हटलं आहे.
