जळगाव : येथील एमआयडीसीतील व्ही सेक्टरमध्ये आईसोबत जात असलेल्या महिलेचा मागील भांडणाच्या कारणावरून युवकाने विनयभंग केला आहे.
त्याचप्रमाणे तिच्या आईच्या पोटावर व तांेडावर लाथाबुक्क्यांनी मारहाण करून धमकी दिली. या प्रकरणी एमआयडीसी पोलिस ठाण्यात गुन्हा दाखल करण्यात आला असून संशयिताला अटक करण्यात आली आहे. सुभाष सोपान अकोलकर (रा. साईनगर) असे त्या संशयिताचे नाव आहे. महिलेचे नातेवाइक व संशयितांमध्ये यापूर्वी वाद झालेला आहे.
त्याची केस सुरू आहे. गुरुवारी दुपारी १२.३० वाजेच्या सुमारास ती महिला आईसोबत व्ही सेक्टरमधील हेरम चौकातून किराणा घेण्यासाठी जात होती. त्या वेळी मागील भांडणाच्या कारणावरून अकोलकर याने युवतीचा हात पकडला. त्या भागात राहू देणार नसल्याची धमकी दिली. लज्जास्पद वाटेल असे कृत्य करून त्या युवतीचा विनयभंग केला. तसेच जिवंत ठेवणार नसल्याचीही धमकी दिली. युवतीने दिलेल्या फिर्यादीवरून गुरुवारी रात्री अकोलकर याच्याविरुद्ध गुन्हा दाखल करण्यात आला. या घटनेमुळे परिसरात खळबळ उडाली आहे.
