मुंबई : माजी मुख्यमंत्री व विरोधी पक्ष नेते देवेंद्र फडणवीस यांच्या पत्नी अमृता फडणवीस यांच्या गाण्याच्या छंद विषयी आपण सारेच परिचित आहोत. त्यांची गाणी नेहमीच रसिकांचे लक्ष वेधून घेत असतात. त्यात आता अमृता फडणवीस यांचे आणखी एक नवं गाणं प्रेक्षकांच्या भेटीला आले आहे.
या गाण्यात अमृता फडणवीस पुन्हा एकदा पारंपरिक मराठमोळ्या वेशभुषेत पाहायला मिळत आहेत. टाइम्स म्युझिक हब कंपनीच्या माध्यामातून हा व्हिडीओ प्रेक्षकांच्या समोर आला आहे. मात्र तासाभरात या गाण्याला ३ लाखाहून अधिक व्ह्यूज मिळाले आहेत. तर अनेकांनी खूपच सुंदर म्हणत प्रतिक्रिया दिल्या आहेत.
या गाण्याचे क्रीएशन फिल्म फेरी प्रोडक्शनचे आहे. या गाण्याचे गायन अमृता फणवीस यांनी केले असून गाण्याचे दिग्दर्शन सचिन शिंदे आणि गौरव रेळेकर यांनी केले आहे. तबला सत्यजित जामसंडेकर, सतार उमाशंकर शुक्ल तर बासरी वंदन वरात काठापूरकर यांनी केले आहे. कोरसमध्ये उमेश जोशी, विजय धुरी, जनार्दन धात्रक, अदिती प्रभुदेसाई, पर्ण निमकर आणि मृणमयी दांडके या गायकांनी दिला आहे.
गाण्याचा छंद जोपासत आपली कला नेहमी हटके अंदाजात सादर करणाऱ्या अमृता फडणवीस अनेकदा राजकीय मुद्द्यांवर देखील भाष्य करताना दिसतात. अगदी पंतप्रधानांपासून ते मुख्यमंत्र्यांपर्यंत कोणाही विषयी वक्तव्य करताना त्या घाबरत नाहीत. उलट बेधडक होऊन खुले आव्हान करतानाच दिसतात. याशिवाय अनेकदा विविध कार्यक्रमांमध्ये त्या आपल्या गायन शैलीचे प्रदर्शन करताना दिसल्या आहेत. हा ही गोष्ट वेगळी की त्यांच्या गायकीचे दिवाने कमी आणि खिल्ली उडविणारे जास्तच आहेत. पण फरक पडेल त्या अमृता फडणवीस कुठल्या. आता हे गाणे रिलीज झाल्यामुळे प्रेक्षक त्यांच्या गायकीची वाह वाह करतात का पुन्हा उणी काढतात हे पाहणे फार उत्सुकतेचे ठरणार आहे.
