जगभरात थक्क करणारी अशी ही घटना साताऱ्यात घडली आहे. एका साध्या कुटुंबातील आईने एकाचवेळी चार बाळांना जन्म दिल्याने वैद्यकीय क्षेत्र, नातेवाईक आणि संपूर्ण समाज आश्चर्यचकित झाला आहे. आई-बाळं ठणठणीत असल्याची खात्री डॉक्टरांनी दिल्यानंतर रुग्णालयात आनंदाचा उत्सव साजरा झाला.यापूर्वी देखील तीन मुलांना जन्म दिला असल्याने आता या महिलेला ७ मुलं आहेत.या घटनेमुळे साताऱ्याच्या या ‘सुपरमॉम’ची कहाणी जगभर व्हायरल होत असून गिनीज वर्ल्ड रेकॉर्डलाही टक्कर देईल, अशी चर्चा रंगू लागली आहे.
मुल जन्माला येणं ही प्रत्येक कुटुंबासाठी अविस्मरणीय घटना असते. परंतु एका मातेच्या पोटी सलग सात बाळं जन्माला येणं हा खरोखरीच चमत्कारच म्हणावा लागेल. साताऱ्यातील जिल्हा शासकीय रुग्णालयात घडलेल्या या घटनेने वैद्यकीय क्षेत्रालाही थक्क करून टाकलं आहे.
सरकारी नोकरी ; मुंबई उच्च न्यायलयात 7वी/10वी/12वी पास असणाऱ्यांना नोकरीची संधी! 52000 पर्यंत पगार
ग्रामसेवकाकडून माहिती अधिकार कायद्याला ‘फाटा’ माहिती दडवल्याने संशयाला ‘वाटा’
कोरेगाव तालुक्यातील माहेरी आलेल्या काजल विकास खाकुर्डिया (वय २७) हिने शुक्रवारी संध्याकाळी एका धाडसी आणि जोखमीच्या शस्त्रक्रियेद्वारे एकाचवेळी चार बाळांना जन्म दिला. त्यात तीन मुली आणि एक मुलगा आहे. ही डिलिव्हरी यशस्वी पार पडल्याने संपूर्ण रुग्णालयात आनंदोत्सव साजरा झाला.
आधी तीन जुळी बाळं – आता एकूण सात अपत्यं
याहूनही विलक्षण बाब म्हणजे काजलला यापूर्वी पाच वर्षांपूर्वी तीन जुळी बाळं झाली होती. म्हणजेच तिच्या आयुष्यात आजवर सात बाळांचा जन्म झाला आहे. अशा प्रकारे साताऱ्यातील या घटनेने इतिहास रचला असून समाजात कौतुकाचा वर्षाव सुरू आहे.
वैद्यकीय पथकाचं योगदान
ही डिलिव्हरी सुरळीत पार पाडण्यासाठी डॉक्टर आणि नर्सिंग स्टाफने जीवाची बाजी लावली.डॉ.देसाई, डॉ. सलमा इनामदार, डॉ. खडतरे, डॉ. झेंडे, डॉ. दिपाली राठोडया सर्व तज्ज्ञांच्या मार्गदर्शनाखाली ही सिझेरियन शस्त्रक्रिया यशस्वीरीत्या पार पडली. आई आणि सर्व बाळं ठणठणीत असल्याचं डॉक्टरांनी सांगितलं.
गिनीज बुक ऑफ वर्ल्ड रेकॉर्डला टक्कर
एका मातेच्या पोटी सात बाळं जन्माला येणं ही दुर्मिळ घटना आहे. अशा घटना जगभरात फारच कमी वेळा नोंदल्या गेल्या आहेत. साताऱ्यात घडलेल्या या घटनेने आता गिनीज बुक वर्ल्ड रेकॉर्डला टक्कर मिळू शकते, अशी चर्चा जिल्ह्यात रंगत आहे.
एका गवंड्याच्या घरी आनंदाचा गोड गोंगाट
काजलचा पती विकास खाकुर्डिया हा गवंडी म्हणून काम करतो. गुजरातमधील मूळ रहिवासी असलेलं हे कुटुंब सध्या पुण्याजवळील सासवड येथे वास्तव्यास आहे. एका साध्या कामगाराच्या घरी सात देवदूतांचा गोड गोंगाट सुरू झाल्याने कुटुंब, नातेवाईक आणि गावकऱ्यांमध्ये आनंदाचं वातावरण आहे.
यापूर्वीचे काय आहे रेकॉर्ड्स
२०२१ मध्ये मालीतील २५ वर्षीय हलिमा सिसे हिने एकाच वेळी ९ बाळांना जन्म दिला होता.
अमेरिकेत २००९ मध्ये नाद्या सुलमन हिने एकाचवेळी ८ बाळांना जन्म दिल्याची नोंद आहे.
भारतात अशा घटना अत्यंत दुर्मिळ आहेत. साताऱ्यातील हा प्रसंग त्यामुळे ऐतिहासिक ठरत आहे.
एका मातेच्या आयुष्यात घडलेली ही घटना केवळ वैद्यकीय क्षेत्रासाठीच नव्हे, तर समाजासाठी प्रेरणादायी आहे. कष्टकरी कुटुंबातून आलेल्या या आईने सात बाळांना जन्म दिला हे खरोखरीच देवाचं वरदान आहे. आता खाकुर्डिया कुटुंबाच्या घरी सुरू होणार आहे नव्या आयुष्याचं, गोड गोंगाटाचं, आणि आनंदसोहळ्याचं एक नवं पर्व!
साताऱ्यात घडलेली ही घटना केवळ आईच्या धैर्याची आणि वैद्यकीय पथकाच्या कौशल्याची साक्ष देणारी नाही, तर समाजालाही आशेचा नवा किरण देणारी आहे. एका साध्या गवंड्याच्या घरात सात देवदूतांचे आगमन झाल्याने आनंदाचा गोड गोंगाट सुरू झाला आहे. आता ही कहाणी जगभर पसरत असून साताऱ्याच्या भूमीवर घडलेला हा चमत्कार लोकांच्या मनात कायमची छाप सोडून जाणार आहे.
Latest news :
NFO : युनियन म्युच्युअल फंडाची नवीन योजना, फक्त 500 रुपयांत ; तुम्ही करोडपती कसे होऊ शकता?
तुमचा क्रेडिट स्कोर लो आहे का? पर्सनल लोन मिळवण्यासाठी या 6 ट्रिक्स ठरतील उपयोगी!
SIP मध्ये होणाऱ्या गुंतवणूक करतांना या ५ चुका टाळा,अन्यथा…
US Visa Interview Waiver बंद : भारतीय विदयार्थ्यांवर थेट परिणाम,अमेरिकेने घेतला मोठा निर्णय!
महत्वाचे :- Mutual Fund विक्रीचे नियम: चुकीच्या Exit ने कसा होतो तोटा?
महत्वाचे :- पर्सनल लोन घेतांना योग्य बँक कशी निवडायची? जाणून घ्या महत्वाच्या टिप्स
हे पण वाचा :- Home Loan : गृहकर्ज कसे घ्यावे? गृह कर्जाचे प्रकार,फायदेशीर पर्याय, कागदपत्रे आणि सबसिडी योजना संपूर्ण वाचा
हे पण वाचा :- Mutual Fund vs Bank FD| म्युच्युअल फंड की बँक FD? कुठे गुंतवणूक सुरक्षित आणि फायदेशीर
हे पण वाचा :- टर्म इन्शुरन्स म्हणजे काय? कमी प्रीमियममध्ये मोठं कव्हरेज!
