मुंबई : झी मराठीच्या किचन कल्लाकार या कार्यक्रमात राष्ट्रवादीचे नेते एकनाथ खडसे आणि भाजपा नेते किरीट सोमैया यांना बोलावण्यात आले होते. यावेळी किचनमध्ये मजेशीर कल्ला झालेला पाहायला मिळाला. राजकीय कोट्या, टोले यामुळे कार्यक्रमात रंगत आली. दरम्यान, यावेळी काही राजकीय मंडळींचे फोटो दाखवण्यात आले तेव्हा त्यावर खडसेंनी आपली प्रतिक्रिया दिली. देवेंद्र फडणवीसांचा फोटो दाखवल्यानंतर त्यांनी, दुश्मन ना करे दोस्त ने ऐसा काम किया है, जिंदगी भर के लिये बदनाम किया, हे गाणे म्हटले.
किरीट सोमैयांनीदेखील यावेळी टोले लगावत कार्यक्रमात रंगत आणली. दीड वर्षानंतर आपण आणि सोमैया एकाच व्यासपीठावर आलो असल्याचे खडसे यावेळी म्हणाले. खडसे म्हणाले, की मी किरीट सोमैया यांना नेहमीच सल्ला देतो. सल्ला देण्याचा माझा अधिकार आहे, असे ते यावेळी म्हणाले. सोमैयांसोबतची मैत्री 30 वर्षांपासूनची आहे, असेही ते म्हणाले. पाहा, राजकारणी आणि टोलेबाजीचा व्हिडिओ –
