श्रीनगर, 8 जुलै : जम्मू-काश्मीरच्या अमरनाथ मध्ये ढगफुटी झाल्याची धक्कादायक माहिती समोर आली आहे. अमरनाथ जवळील होली गुहेजवळ आज संध्याकाळी ५:३० सुमारास ढगफुटी झाल्याने अनेक भाविक वाहून गेल्याची भीती व्यक्त होतं आहे.
ढगफुटीच्या घटनेची माहिती मिळताच तातडीने बचाव पथक घटनास्थळी दाखल झाली आहे. विशेष म्हणजे सध्या अमरनाथची यात्रा सुरु आहे. या यात्रेदरम्यान ढगफुटीची धक्कादायक घटना समोर आली आहे. या ढगफुटीत काही भाविकांचा मृत्यू झाल्याची भीती वर्तवण्यात येत आहे. जम्मू-काश्मीर पोलीस याबाबत लवकरच स्पष्टीकरण देण्याची शक्यता आहे. याबाबत ANI वृत्तसंस्थेने ट्विट करून ढगफुटीची माहिती दिली आहे.
#WATCH | J&K: Visuals from lower reaches of Amarnath cave where a cloud burst was reported at around 5.30 pm. Rescue operation underway by NDRF, SDRF & other associated agencies. Further details awaited: Joint Police Control Room, Pahalgam
(Source: ITBP) pic.twitter.com/AEBgkWgsNp
— ANI (@ANI) July 8, 2022
