Spa Raid प्रकरणात विमानतळ परिसरातील ‘The Roots Spa’ वर पोलिसांचा छापा; कारवाईदरम्यान गॅलरीतून उड्या मारताना मॅनेजरचा पाय मोडला तर महिला गंभीर जखमी, पुढील तपास सुरू.
हे पण वाचा : एसटीने प्रवास करणाऱ्या प्रत्येकासाठी ही बातमी महत्वाची ‘NCMC’ स्मार्ट कार्ड नोंदणी सुरू
पुणे : विमानतळ परिसरातील अहिल्यानगर रोडवरील सिटी स्पेस बिल्डिंगमध्ये सुरू असलेल्या एका स्पा सेंटरवर पोलिसांनी धाड टाकत मोठी कारवाई केली. ‘द रुटस् स्पा’ या नावाने सुरू असलेल्या या ठिकाणी स्पाच्या आडून वेश्याव्यवसाय सुरू असल्याची माहिती मिळाल्यानंतर विमानतळ पोलिसांनी सोमवारी दुपारी साडेतीनच्या सुमारास छापा टाकला.
हे पण वाचा : US Visa Policies impact : अमेरिकेतील कठोर व्हिसा नियमांमुळे वाचा काय झाले परिणाम!
बनावट ग्राहक पाठवून खात्री
पोलिसांना या स्पामध्ये अनैतिक व्यवसाय सुरू असल्याची गोपनीय माहिती मिळाली होती. त्यानुसार प्रथम बनावट ग्राहक पाठवून माहितीची खात्री करण्यात आली. माहिती पुष्टी झाल्यानंतर वरिष्ठ पोलिस निरीक्षक गोविंद जाधव यांच्या मार्गदर्शनाखाली पथकाने पंचासमक्ष कारवाई केली.
काचेचा दरवाजा फोडून प्रवेश
कारवाईदरम्यान स्पा सेंटरचा काचेचा दरवाजा तोडून पोलिसांनी आत प्रवेश केला. आत चार महिला व चार पुरुष आढळून आले. पोलिसांना पाहताच काही जणांनी पळ काढण्याचा प्रयत्न केला.
गृहकर्ज घ्यायचंय? Home Loan Interest Rates February 2026 आधी नक्की तपासा!
गॅलरीतून उड्या मारताना अपघात
छाप्याची चाहूल लागताच दोघांनी पहिल्या मजल्यावरील गॅलरीतून खाली उतरून पळण्याचा प्रयत्न केला. मात्र तोल जाऊन ते खाली पडले. या घटनेत स्पा मॅनेजर हुसेन शेख याचा पाय मोडला असून एका महिलेच्या डोक्याला गंभीर दुखापत झाली आहे.
दोघांनाही तातडीने उपचारासाठी ससून जनरल हॉस्पिटलमध्ये दाखल करण्यात आले आहे. त्यांच्यावर उपचार सुरू असल्याची माहिती पोलिस उपायुक्त सोमय मुंडे यांनी दिली.
गुन्हा दाखल करण्याची प्रक्रिया सुरू
या प्रकरणी विमान नगर पोलीस ठाण्यात उशिरापर्यंत गुन्हा दाखल करण्याचे काम सुरू होते. संबंधितांवर अनैतिक व्यापार प्रतिबंधक कायद्यानुसार कारवाई होण्याची शक्यता आहे. पोलिस पुढील तपास करत असून या प्रकरणात आणखी कोणी सहभागी आहे का, याची चौकशी केली जात आहे.
पोलिसांच्या या कारवाईमुळे परिसरात एकच खळबळ उडाली असून अशा प्रकारच्या अवैध व्यवसायांवर कठोर कारवाईचा इशारा प्रशासनाने दिला आहे.
