मुंबई: तंत्रज्ञानाच्या युगात प्रत्येक जण Social Mediaसारख्या डिजीटल माध्यमाशी जोडला गेला आहे. सोशल मिडीयाचा वापर वाढलेला असून, याचा गैरफायदा घेत गुन्हेगारीच्या घटनाही वाढल्या आहेत. Hackersकडून युजर्सचे डिव्हाइस हॅक करण्याचा प्रयत्न केला जात आहे. अशात तुम्ही देखील Twitter, Facebook किंवा इंस्टाग्राम सारखे कोणतेही सोशल मीडिया प्लॅटफॉर्म वापरत असाल तर, तुम्ही देखील या हॅकर्सच्या निशाण्यावर असू शकता. हे टाळायचे असल्यास अधिक सावध राहण्याची गरज आहे.
ट्विटर खाते सुरक्षित ठेवण्यासाठी तुम्हाला एक मजबूत पासवर्ड तयार करणे आवश्यक आहे. मजबूत पासवर्डमध्ये कॅपिटल अक्षरे, लहान अक्षरे, विशेष अक्षरे आणि अंकीय अक्षरे यांचे कॉम्बिनेशन असले तर चांगले. तुमचा फोन नंबर, जन्मतारीख, प्रिय व्यक्तीचे नाव यासोबत पासवर्ड जोडणे टाळा. तुम्ही तुमचे खाते सुरक्षित ठेवण्यासाठी टू-फॅक्टर ऑथेंटिकेशनचा पर्यायही वापरू शकता. यात Account Login करण्यासाठी पासवर्ड टाकल्यानंतर फोन किंवा ई-मेलवर तुम्हाला एक कोड पाठवला जातो, तो टाकल्यानंतरच तुम्ही लॉगिन करू शकता.
सुरक्षिततेसाठी या टिप्स फॉलो करा:
– यासाठी मजबूत पासवर्ड तयार करा. तसेच, अतिरिक्त सुरक्षिततेसाठी दर सहा महिन्यांनी तुमचा पासवर्ड बदलत राहा.
– तुमच्या Facebook आणि Instagram वर टू-फॅक्टर ऑथेंटिकेशनची सुविधाही मिळते. तर फेसबुकवर तुम्ही एक्स्ट्रा सेटिंग्ज वापरून प्रोफाइल लॉकचा पर्याय अवलंबू शकता.
– तुमच्या खात्याबद्दल कोणती माहिती सार्वजनिक करू इच्छिता आणि कोणती नाही हे निवडू शकता. – Facebook खात्याच्या अतिरिक्त सुरक्षिततेसाठी ते शोध इंजिन परिणामांमधून काढून टाका.
– अलर्ट नोटिफिकेशन चालू ठेवा, जेणेकरून कोणी Hacking चा प्रयत्न केला तर त्याची माहिती लगेच मिळेल.
तुमचे अकाउंट्स असे करा रिकव्हर
तुमचे ट्विटर, फेसबुक किंवा इंस्टाग्राम खाते हॅक झाल्यास ते नेहमी रिकव्हर करण्याचा पर्याय असतो. यासाठी तुमचा फोन नंबर आणि ईमेल आवश्यक आहे. ज्यावर तुम्हाला पासवर्ड रीसेट करण्याची लिंक किंवा कोड पाठवला जातो. यासाठी तुम्ही Forgot Password हा पर्याय वापरू शकता.
