मुंबई : जर तुम्ही देशातील सर्वात मोठी सरकारी बँक स्टेट बँक ऑफ इंडिया (SBI) कडून कोणत्याही प्रकारचे कर्ज घेतले असेल किंवा घेण्याचा विचार करत असाल तर ही बातमी तुमच्यासाठी उपयुक्त आहे. होय, आजपासून SBI कर्जावरील व्याजदर महाग झाला आहे. SBI ने मार्जिनल कॉस्ट ऑफ फंड बेस्ड लेंडिंग रेट (MCLR) 25 बेस पॉईंटने वाढवला आहे. त्यामुळे बँकेच्या कोट्यवधी ग्राहकांना धक्का बसला आहे. यानंतर बँकेकडून मिळणारी सर्व प्रकारची कर्जे महाग झाली आहेत. याशिवाय ज्यांनी आधीच गृहकर्ज घेतले आहे त्यांनाही जास्त व्याज द्यावे लागणार आहे. म्हणजेच या निर्णयानंतर नवीन आणि जुने दोन्ही ग्राहकांना फटका बसणार आहे.
रेपो दरात 2.25 टक्के वाढ
MCLR वाढवण्याची माहिती बँकेच्या अधिकृत वेबसाइटवर देण्यात आली आहे. यापूर्वी रिझर्व्ह बँकेने रेपो दरात वाढ केल्यानंतर बँकेकडून व्याजदरात वाढ करण्याचा निर्णय घेण्यात आला आहे. मध्यवर्ती बँकेने डिसेंबरमध्ये घेतलेल्या एमपीसीच्या बैठकीत रेपो रेटमध्ये ३५ बेसिस पॉईंटने वाढ करण्याचा निर्णय घेण्यात आला आहे. त्याचा रेपो दर 6.25% पर्यंत वाढला आहे. आरबीआयने मे महिन्यापासून रेपो दरात २.२५ टक्क्यांनी वाढ केली आहे.
MCLR खूप वाढला
SBI वेबसाइटवर दिलेल्या माहितीनुसार, एक ते तीन महिन्यांसाठी MCLR 7.75% वरून 8% करण्यात आला आहे. सहा महिने ते एक वर्षासाठी MCLR 8.05% वरून 8.30% करण्यात आला आहे. दोन वर्षांचा MCLR 8.25% वरून 8.50% झाला आहे. त्याच वेळी, तीन वर्षांचा MCLR 8.35% वरून 8.60% करण्यात आला आहे.
याआधीही RBI ने मे 2022 मध्ये रेपो रेटमध्ये 40 बेसिस पॉईंटची वाढ केली होती. त्यावेळी बँकेकडून रेपो दरात अचानक वाढ करण्यात आली. यानंतर जून, ऑगस्ट आणि सप्टेंबरमध्ये रेपो दरात 50-50 बेसिस पॉइंट्सची वाढ करण्यात आली. अशा प्रकारे, आतापर्यंत 2.25% ची वाढ झाली आहे.
