पाचोरा,(किशोर रायसाकडा)- आमचं वीज कनेक्शन का कापलं…. अशी विचारणा करत शिवीगाळ केली आणि थेट मारहाण सुद्धा केली याप्रकरणी वायरमन प्रविण सुभाष वंजारी वय 34 धंदा- नोकरी (MSEDCL महा.राज्य विद्युत वितरण कंपनी) रा. आदर्श नगर, पाचोरा यांनी मारहाण करणाऱ्या वसीम विरुद्ध आज दिनांक १५ रोजी पाचोरा पोलिसात गुन्हा दाखल केला असून भादवी कलम 353,332,504,506 प्रमाणे गुन्हा दाखल करण्यात आला आहे.
वायरमन प्रवीण वंजारी यांनी पाचोरा पोलीस स्टेशनला समक्ष हजर होवुन फिर्याद दिली असून फिर्यादित म्हटले आहे की,मी सन 2013 पासुन MSEDCL महा.राज्य विद्युत वितरण कंपनी पाचोरा ता.पाचोरा जळगाव येथे वरीष्ठ तंत्रज्ञ या पदावर नेमणुकीस आहे. माझ्या कडे पाचोरा शहरातील बाहेरपुरा, मच्छी बाजार, कृष्णापुरी, त्र्यंबक नगर, जळगाव रोडवरील भागातील (DTC 8168560, ) ग्राहकांचे विद्युत वितरण लाईन मेन्टनंस, ब्रेक डाऊन थकबाकी वसुली, विद्युत वितरणा बाबत तक्रारीचे निरसण करणे असे कामकाज आहे. तुषार मनोहर पाटील (प्रधान तंत्रज्ञ), शरद प्रकाश मोरे (वरीष्ठ तत्रज्ञ ) असे बाजूचे भागात थकबाकी वसुलीचे व तक्रारी निवारणाचे कामकाज करीत होते.
दिनांक 15/12/2022 रोजी 09/00 वा.सु मी महावितरण कार्यालय अर्बन 2 ऑफीस येथे जावुन 1 ते 2 महिन्याचे बाहेरपुरा व मच्छी बाजारातील घरगुती विद्युत बिल थकबाकी ची यादी घेवुन मी व स्मशानभुमी रोड् सरकारी दवाखाना, मोची गल्ली या भागातील यादी घेवुन तुषार मनोहर पाटील (प्रधान तंत्रज्ञ), शरद प्रकाश मोरे (वरीष्ठ तंत्रज्ञ) असे बाजूचे भागात थकबाकी वसुलीचे व तक्रारी निवारणाचे कामकाज करीत होते.
आज रोजी सुमारे 11/00 वा. सुमारास बाहेरपुरा भागातील मच्छी बाजारातील थकबाकी वसुलीचे व मिटर कट करण्याचे कामकाज करीत असतांना गुलाब खान अहमद खान रा. बाजार भाग बाहेरपुरा पाचोरा यांचे ग्राहक क्रं. 122515947505 असा असलेले ग्राहक यांचे कडे सुमारे दोन महिन्याचे लाईट बील थकीत असल्याने ते मीटर कनेक्शन खंडीत करण्याचे मला आदेश प्राप्त झाले होते.
त्यामुळे मी सदर मिटर कनेक्शन खंडीत केले असता तेथे हजर असलेला गुलाब खान अहमद खान यांचा मुलगा वसीम खान गुलाब खान याने आमच्या घराची लाईट का कट का केली असे बोलून शिवीगाळ करून मला चापटाबुक्क्यांनी मारहाण केली व धमकी दिली की तुम्ही परत या भागात थकबाकी वसुली करुन दाखवा तुमचे हातपाय तोडुन तुमचे मुडदे पाडुन टाकेल अशी धमकी दिली तेव्हा तेथे हजर असलेले प्रेमचंद शिवलाल नाईक रा. मोहाडी, बाजुचे गल्लीत कामकाज करणारे तुषार मनोहर पाटील (प्रधान तंत्रज्ञ), शरद प्रकाश मोरे (वरीष्ठ तत्रज्ञ ) अशांनी सदरचे भांडण पाहिले व सोडवा सोडव केली आहे.
तरी आज दिनांक 15/12/2022 दुपारी 12/00 वा.सु पाचोरा शहरातील मच्छी बाजार भागात मी माझे शासकीय कामकाज करीत असतांना इसम नामे वसीम खान गुलाब खान रा. मच्छी बाजार बाहेरपुरा, पाचोरा ता. पाचोरा याने त्यांचे घराचे मिटरची लाईट कट केल्याचे वाटल्यांचे कारणावरुन मला शिवीगाळ करुन चापटाबुक्कायंनी मारहाण करुन तुम्ही परत या भागात थकबाकी वसुली करुन दाखवा तुमचे हातपाय तोडुन तुमचे मुडदे पाडुन टाकेल अशी धमकी दिली म्हणुन माझी त्यांचे विरुध्द फिर्याद दिली आहे.
