Maharashtra Politics| कृषीमंत्री माणिकराव कोकाटे यांचा सभागृहात रमी खेळतानाचा व्हिडिओ समोर आला असून त्यामुळे राजकीय वाद उफाळला आहे. संजय राऊत यांनी कोकाटेंचे मंत्रिपद जाणार असल्याचा दावा केला असून अमित शाह यांनी ६-७ मंत्र्यांना हटवण्याच्या सूचना दिल्याची चर्चा रंगली आहे.(Maharashtra Politics)

 

Maharashtra Politics : महाराष्ट्राच्या राजकारणात भूकंप!

मुंबई – महाराष्ट्राच्या राजकारणात मोठा भूकंप घडवणारी चर्चा समोर आली आहे. राज्याचे कृषीमंत्री माणिकराव कोकाटे यांचा सभागृहात रमी खेळतानाचा व्हिडिओ व्हायरल झाल्यानंतर, विरोधकांनी सरकारवर जोरदार टीका सुरू केली आहे. या प्रकरणामुळे कोकाटेंचे मंत्रिपद धोक्यात आले असून, भाजपचे चाणक्य आणि केंद्रीय गृहमंत्री अमित शाह यांनी ६ ते ७ मंत्र्यांना मंत्रिमंडळातून वगळण्याच्या सूचना केल्याचा दावा संजय राऊत यांनी केला आहे.खा. संजय राऊत यांच्या दाव्याने महाराष्ट्राच्या राजकारणात भूकंप होण्याची शक्यता वर्तवण्यात येत आहे.

हे पण वाचा ; सोशल मीडियावरचा साप! इंस्टाग्रामवर ओळख, अल्पवयीन मुलीवर अत्याचार!

डच्चू देण्यात येणारे ते ६ ते ७ मंत्री कोण?

मुख्यमंत्री फडणवीसांची प्रतिमा टिकवण्यासाठी मंत्रिमंडळातील बेजबाबदार मंत्र्यांना घरचा रस्ता दाखवला जाऊ शकतो!भ्रष्टाचार व बेजबाबदारीचे आरोप असंणाऱ्या मंत्र्यांवर मुख्यमंत्री देवेंद्र फडणवीस कठोर भूमिका घेण्याची शक्यता आहे. पारदर्शक आणि जनहितासाठी काम करणाऱ्या नेतृत्वाची प्रतिमा त्यांनी निर्माण केली असून, त्या प्रतिमेला कुठलाही डाग लागू नये यासाठी त्यांनी मंत्रिमंडळातील अशा व्यक्तींना वगळण्याचा निर्णय घेऊ शकतात अशी राजकीय वर्तुळात चर्चा सुरू आहे.मात्र डच्चू देण्यात येणाऱ्या मंत्र्याचे नावे अदयाप स्पष्ट नाही त्यामुळे ते ६ ते ७ मंत्री कोण असा प्रश्न अनुत्तरीत आहे.Maharashtra Politics

हे पण वाचा :  संशयाचं भूत डोक्यात शीरलं, रक्तरंजित शेवट ; पतीकडून पत्नीचा खून!

Manikrao Kokate यांचा रमी खेळतानाचा व्हिडीओ व्हायरल

कोकाटेंचा व्हिडिओ व्हायरल झाल्यानंतर राष्ट्रवादी काँग्रेसचे आमदार रोहित पवार यांनी तो सोशल मीडियावर पोस्ट करत सरकारला जाब विचारला. “शेतकरी आत्महत्या करत आहेत आणि कृषीमंत्री सभागृहात रमी खेळत आहेत,” असा गंभीर सवाल त्यांनी उपस्थित केला.

हे पण वाचा: Oppo Reno 15 Pro 5G मोबाईल Launched in India ;108MP Camera, 8000mAh Battery फक्त ₹13,999 मध्ये!

जितेंद्र आव्हाड यांनीही कोकाटेंवर टीका करत म्हटले की, “कामकाज सुरू असताना रमी खेळतात, हे धन्य आहेत!” तर सुधीर मुनगंटीवार यांनी याबाबत इथिकल कमिटीमार्फत चौकशीची मागणी केली आहे.

खा. संजय राऊतांचा मोठा दावा

या प्रकरणात आणखी एक मोठी चर्चा निर्माण झाली आहे ती म्हणजे संजय राऊत यांचा दावा. त्यांनी म्हटले आहे की, “अमित शाह यांनी सहा ते सात मंत्र्यांना मंत्रिपदातून वगळण्याच्या सूचना मुख्यमंत्र्यांना दिल्या आहेत. त्यात माणिकराव कोकाटे यांचे नाव आहे.”या दाव्यानंतर राज्याच्या राजकारणात मोठी खळबळ माजली आहे.Maharashtra Politics

 

शेतकऱ्यांचे प्रश्न आणि मंत्री ऑनलाईन रमीच्या नादात

राज्याचे कृषीमंत्री असूनही कोकाटे हे कामकाजाच्या वेळी रमी खेळत असल्याची टीका होत आहे. दररोज राज्यात सरासरी ८ शेतकरी आत्महत्या करत असताना, शेतीसंबंधीचे प्रश्न प्रलंबित आहेत – पिकविमा, कर्जमाफी, भावांतर अशा महत्त्वाच्या विषयांवर सरकारकडून कोणतीच ठोस पावले उचलली जात नसल्याचा आरोप करण्यात येत आहे.

मंत्रिमंडळ फेरबदलाच्या चर्चेला वेग

खा.संजय राऊतांच्या वक्तव्यानंतर, महाराष्ट्र मंत्रिमंडळात मोठ्या फेरबदलाची शक्यता व्यक्त केली जात आहे. कोकाटेंबरोबरच इतर काही मंत्र्यांची कामगिरी अपुरी असल्याने, त्यांना मंत्रिमंडळातून वगळले जाण्याचा अंदाज लावला जात आहे.

 

Manikrao Kokate Video मुळे एक नव्या राजकीय संकटाची सुरुवात झाली आहे. विरोधक आक्रमक आहेत, जनतेच्या मनात संताप आहे, आणि भाजप-शिवसेना युतीतील अंतर्गत हालचाली वाढल्या आहेत. आता अमित शाह यांचा निर्णय काय असतो याकडे संपूर्ण राज्याचे लक्ष लागून राहिले आहे.Maharashtra Politics

https://x.com/rautsanjay61/status/1946930175758725615?t=n-cHzMjYbBRw_Uozszv-Dg&s=19

 

https://x.com/abpmajhatv/status/1946809650923655645?t=dIQx-81ikJrXsrEJRxnWpg&s=19