Spread the love

Free Ration Distribution | जळगावमध्ये मोफत धान्य वाटप व ई-केवायसी प्रक्रिया सर्व्हर अडचणीमुळे खोळंबली आहे. रिपब्लिकन पार्टी ऑफ इंडिया आठवले गटाने यासंदर्भात जिल्हाधिकाऱ्यांकडे निवेदन दिले असून मुदतवाढ व साखर वाटप सुरू करण्याची मागणी केली आहे.

Free ration distribution protest Jalgaon by Republican Party" — Free ration distribution protest Jalgaon by Republican Party”

जळगाव | प्रतिनिधी – राज्यातील गरजू शिधापत्रिका धारकांसाठी सरकारने मोफत धान्य वितरण योजना सुरू केली असली, तरी free ration distribution मध्ये ई-पॉस मशीन आणि सर्व्हर समस्यांमुळे मोठ्या प्रमाणावर अडचणी निर्माण झाल्या आहेत. याच पार्श्वभूमीवर रिपब्लिकन पार्टी ऑफ इंडिया (आठवले गट) जळगाव महानगर अध्यक्ष अनिल अडकमोल यांच्या नेतृत्वाखाली जिल्हाधिकाऱ्यांना आज दिनांक २१ जुलै रोजी निवेदन सादर करण्यात आले.

हे पण वाचा : बांधकाम कामगारांसाठी मोठी बातमी! पेन्शन योजना सुरु, असा करा अर्ज!

ई-केवायसी न झाल्यास धान्य मिळणार नाही!

सरकारने ३१ जुलै २०२५ ही मोफत धान्य वितरणासाठी ई-केवायसीची अंतिम मुदत दिली आहे. मात्र, सतत सर्व्हर डाऊन आणि ई-पॉस मशीन फेल होण्याच्या तक्रारी जळगाव जिल्ह्यातून मोठ्या प्रमाणावर येत आहेत.

राजकीय बातमी : फडणवीस मंत्रिमंडळातील ७ मंत्र्यांना देणार ‘डच्चू’? ते मंत्री कोण?

शेकडो नागरिक रेशन दुकानात तासन्‌तास थांबूनही ई-केवायसी करू शकत नाहीत. त्यामुळे शासनाने ही मुदत ३१ ऑगस्ट २०२५ पर्यंत वाढवावी, अशी मागणी करण्यात आली आहे.

साखर वाटप पुन्हा सुरू करावे – सणासुदीपूर्वीचा आग्रह

निवेदनात असेही नमूद करण्यात आले आहे की, अंत्योदय शिधापत्रिका धारकांना मिळणारी सवलतीची १ किलो साखर मागील वर्षभरापासून बंद करण्यात आली आहे. आता गणपती, नवरात्र, दसरा असे सण जवळ आलेले आहेत. अशा काळात ही साखर पूर्ववत देण्यात यावी, अशी मागणी रिपब्लिकन पार्टीने केली आहे.

ई-केवायसी प्रक्रिया सतत सुरू ठेवा

ई-केवायसीची प्रक्रिया एखाद्या अंतिम तारखेपर्यंत न ठेवता, निरंतर सुरू ठेवावी, जेणेकरून कोणीही लाभार्थी वंचित राहणार नाही. ग्रामीण व श्रमिक वर्गातील नागरिकांकडे वेळ किंवा तांत्रिक ज्ञान नसल्याने त्यांना विशेष अडचणी येत आहेत.

यावेळी निवेदन देताना प्रताप बनसोडे, किरण अडकमोल, नरेंद्र मोरे, मिलिंद अडकमोल, अरुण बनसोडे, गौतम काजे, सांक सोनवणे हे कार्यकर्ते उपस्थित होते.

Free ration distribution योजना जनतेसाठी आहे. त्यामुळे या योजनांमध्ये येणाऱ्या अडथळ्यांवर तत्काळ उपाययोजना करून शासनाने गरीब व गरजूंना वेळेवर लाभ मिळवून द्यावा, अशी मागणी रिपब्लिकन पक्षाच्या वतीने करण्यात आली आहे.

निवेदनात ‘या’आहेत मागण्या

1. सरकारने जून, जुलै व ऑगस्ट २०२५ या महिन्यांसाठी मोफत धान्य वाटपासाठी ३१ जुलै २०२५ पर्यंत ई-केवायसी अनिवार्य केली आहे. परंतु, अनेक रेशन दुकानदारांकडील ई-पॉस मशीन सतत बंद पडत असून सर्व्हर समस्या वारंवार उद्भवत आहेत. त्यामुळे नागरिकांना वेळेवर सेवा मिळत नाही.Free Ration Distribution

2. विशेषतः ग्रामीण व कामगार भागातील महिला वर्ग तासन्‌तास दुकानांवर थांबत असून, काम धंदे सोडून परत जात आहे. या कारणास्तव ई-केवायसीची अंतिम मुदत किमान ३१ ऑगस्ट २०२५ पर्यंत वाढविण्यात यावी.

3. अंत्योदय शिधापत्रिका धारकांना पूर्वीप्रमाणे सवलतीच्या दरात १ किलो साखर पुन्हा सुरु करण्यात यावी. मागील काही महिन्यांपासून ही साखर देणे थांबविण्यात आले असून येत्या काही दिवसांत सणासुदीचा काळ सुरु होणार आहे. त्यामुळे लाभार्थ्यांना साखरेचा लाभ मिळणे गरजेचे आहे.

4. ई-केवायसी प्रक्रिया वर्षभर सतत सुरू ठेवण्यात यावी, जेणेकरून नागरिकांना कोणत्याही अडचणीशिवाय गरजेच्या वेळी ती पूर्ण करता येईल.Free Ration Distribution