ठाकूर सूरजसिंह राजपूत यांची श्री राष्ट्रीय राजपूत करणी सेनेच्या राष्ट्रीय महामंत्रीपदी नियुक्ती
जळगाव, दि. 23 जुलै : श्री राष्ट्रीय राजपूत करणी सेना (एकीकृत राष्ट्रीय राजपूत युवा संगठन, भारत) यांनी महाराष्ट्रातील युवा नेते ठाकूर सूरजसिंह राजपूत यांची राष्ट्रीय महामंत्री (भारत) या महत्त्वपूर्ण पदावर नियुक्ती केली आहे. त्यांचा कार्यकाळ 23 जुलै 2026 ते 22 जुलै 2027 असा एक वर्षांचा राहणार आहे.
ही नियुक्ती संघटनेचे राष्ट्रीय वरिष्ठ उपाध्यक्ष व संघटन महामंत्री योगेंद्रसिंह कटार यांनी केली आहे. नियुक्तीपत्रात संघटनेच्या पदाची प्रतिष्ठा कायम ठेवत संघटन विस्तार, समाजहिताची कामे आणि संघटनेला अधिक बळकट करण्यासाठी पूर्ण क्षमतेने कार्य करण्याच्या सूचना देण्यात आल्या आहेत.
या नियुक्तीबाबत राष्ट्रीय अध्यक्ष सुखदेवसिंह गोगामेडी, राष्ट्रीय कार्यकारी अध्यक्षा ऍड. शीला सुखदेवसिंह गोगामेडी (शीला शेखावत) तसेच राष्ट्रीय वरिष्ठ उपाध्यक्ष व संघटन महामंत्री योगेंद्रसिंह कटार ,महाराष्ट्र प्रदेश अध्यक्ष प्रवीणसिहं पाटील यांनी ठाकूर सूरजसिंह राजपूत यांचे अभिनंदन करून त्यांच्या यशस्वी कार्यकाळासाठी शुभेच्छा व्यक्त केल्या.
ठाकूर सूरजसिंह राजपूत यांच्या नियुक्तीमुळे महाराष्ट्रासह देशभरातील राजपूत समाजातील युवकांचे संघटन अधिक मजबूत होईल, असा विश्वास संघटनेच्या पदाधिकाऱ्यांनी व्यक्त केला आहे.
