जळगाव दि. 24 -करियर कट्टा, विद्यार्थी विकास विभाग व इव्हेंट मॅनेजमेंट विभाग यांच्या संयुक्त विद्यमाने मू. जे. महाविद्यालय मधील सर्व शिक्षक व शिक्षकेतर कर्मचारी आणि विद्यार्थी व विद्यार्थिनी यांच्यासाठी भव्य आरोग्य शिबिर 2024 चे आयोजन करण्यात आले होते. या शिबिराचे उद्घाटन डॉ हर्षवर्धन जावळे (संचालक के सी ई सोसायटी) यांच्या हस्ते करण्यात आले. कार्यक्रमाच्या अध्यक्षस्थानी प्राचार्य डॉ. सं. ना. भारंबे होते. या भव्य आरोग्य शिबिरात डॉ. जगदीश बोरोले ( जनरल सर्जन),डॉ अतुल भारंबे (कॅन्सर तज्ञ) ,डॉ अनुप येवले (नेत्ररोग तज्ञ), डॉ पंकज पाटील (फिजीशियन अँड सर्जन), डॉ नितीन धांडे (ऑर्थोपेडीक सर्जन),डॉ रूपाली बेंडाळे (स्त्रीरोग तज्ञ),डॉ. जूही पाटील- भोळे( डेंटल तज्ञ), डॉ हर्षदा पाटील (आयुर्वेदिक व पंचकर्म), डॉ. प्राजक्ता जावळे ( पेन व भुलशास्त्र तज्ञ )या नामवंत डॉक्टरांची उपस्थिती होती. महाविद्यालयातील विद्यार्थी व विद्यार्थिनी तसेच शिक्षक व शिक्षकेतर कर्मचारी यांनी या शिबिराचा लाभ घेतला. यावेळी डॉ. प्रा. भूपेंद्र केसुर, प्रा. आरसीवाला, प्रा. राजीव पवार व विद्यार्थी विकास अधिकारी प्रा. मनोज महाजन यांची उपस्थिती होती.हा कार्यक्रम यशस्वितेसाठीसाठी इव्हेंट विभागाचे पंकज कासार व सर्व विद्यार्थी आणि विद्यार्थिनी यांनी मेहनत घेतली. सूत्रसंचालन प्रा. गोपीचंद धनगर यांनी केले.
