पाचोरा,(प्रतिनिधी)- तालुक्यातील पिंपळगाव हरेश्वर पोलीस स्टेशनच्या हद्दीत राहणारी मयत मंजाबाई दगडू भोई वय वर्षे (८०) या महिलेस कुणीतरी अज्ञात इसमाने तिचे घरात घुसून तीला जीवे ठार मारुन गोणपटामध्ये बांधून ठेवले आहे अशी माहिती मिळाल्यावरुन जळगाव जिल्हा पोलीस अधीक्षक श्री. महेश्वर रेड्डी साहेब यांनी घटनास्थळी जाऊन पुढील तपास करणेबाबत पिंपळगाव हरेश्वर पोलीस स्टेशनला आदेश दिले होते.
या आदेशानुसार गुन्हा शाखेचे पोलीस निरीक्षक किसन नजन पाटील सहाय्यक फौजदार विजयसिंह पाटील, पोलीस हेडकॉन्स्टेबल लक्ष्मण पाटील, विजय पाटील, महेश महाजन, अकरम शेख, महेश सोमवंशी यांनी जामनेर तालुक्यातील फत्तेपूर येथुन पिंपळगाव हरेश्वर येथे येऊन गोपनीय बातमीदारामार्फत माहिती काढली असता मयत मंजाबाई दगडू भोई हिच्या बहिणीचा नातू विशाल भोई याने हा खुन केला असल्याची दाट शक्यता असल्याची माहिती मिळाली तेव्हा विशाल भोई कोठे आहे याबाबत माहिती जाणून घेतली असता तो मयत मंजाबाई दगडू भोई यांच्या प्रेतासोबत पाचोरा ग्रामीण रुग्णालयात गेला असल्याची माहिती मिळाली माहिती मिळताच गुन्हा शाखेचे पथकासह पिंपळगाव हरेश्वर पोलीस स्टेशनचे पोलीस हेडकॉन्स्टेबल रणजित पाटील, जितेंद्र पाटील, दिपक अहिरे यांनी पाचोरा येथे येऊन संशयित आरोपीस ताब्यात घेऊन त्याला त्याचे नाव, गाव विचारले असता त्याने त्याचे नाव विशाल प्रभाकर भोई वय वर्षे (२२) राहणार पिंपळगाव हरेश्वर तालुका पाचोरा असे सांगितल्यावर संशयित आरोपी हाच असल्याची खात्री पटल्यावर त्यास विश्वासात घेऊन विचारपूस केली असता त्याने सांगितले की माझ्यावर कर्ज झाले असल्याने कर्जफेड करण्यासाठी मी आजीकडे पैशाची मागणी करत होतो. वारंवार पैसे मागूनही आजी पैसे देत नसल्याने मी आजीबाईचा गळा दाबून तिला ठार मारले नंतर तिच्या हातातील चांदीच्या गोट, पाटल्या पैकी एक गोट पाटली व कानातील सोन्याच्या बाळ्या काढून घेत आजीबाईचा मृतदेह घरात असलेल्या गोणपाटामध्ये भरुन तीथे घरातच ठेवला व मागच्या दरवाजाने बाहेर निघून मोटारसायकलने संभाजीनगर जिल्ह्यातील अजिंठा येथे जाऊन तीथे एका सोनाराच्या दुकानावर दागिने मोडून तेथून पैसे घेऊन परत पिंपळगाव हरेश्वर येथे घरी आलो होतो अशी गुन्ह्याची कबुली दिली म्हणून या गुन्ह्याचा पुढील तपासकामी संशयित आरोपी विशाल प्रभाकर भोई वय वर्षे (२२) याला पिंपळगाव हरेश्वर पोलीस स्टेशनचे ताब्यात देण्यात आले असून सदर गुन्ह्याचा तपास हा जिल्हा पोलीस अधीक्षक मा. श्री. महेश्वर रेड्डी साहेब, जळगावचे अप्पर पोलीस अधीक्षक मा. श्री. अशोक नखाते साहेब चाळीसगाव, पाचोराचे उपविभागीय पोलीस अधिकारी मा. श्री. धनंजय वेरुळे साहेब यांच्या मार्गदर्शनाखाली करण्यात आला आहे.
