जळगाव,(प्रतिनिधी)- माहिती देण्यास टाळाटाळ करून खरेदी प्रक्रिया व मनुष्यबळ भरती प्रक्रियेत भष्टाचार तसेच गैरव्यवहार लपवत असल्याचा गंभीर आरोप माहिती अधिकार कार्यकर्ते दिनेश भोळे यांनी केला असून डॉ. सचिन भायेकर जिल्हा आरोग्य अधिकारी जिल्हा परिषद जळगाव हे माहिती उपलब्ध करून देत नाही तो पर्यत जिल्हा परिषदेचे मुख्य कार्यकारी अधिकारी यांच्या दालनात दिनेश भोळे यांनी आज दि. १५ एप्रिल पासून ठिय्या आंदोलन सुरु केले आहे.
दिनेश भोळे यांनी दिलेल्या प्रसिद्धी पत्रकात म्हटलं आहे की,गेल्या वर्षभरापासून जिल्हा आरोग्य अधिकारी विभागात वेगवेगळ्या विषयाबाबत संबंधित यंत्रणेला माहिती मिळवण्यासाठी रितसर माहिती अधिकारात अर्ज तसे अपील केले असता तसेच जिल्हा आरोग्य अधिकारी यांना मुख्य कार्यकारी अधिकारी अंकीत यांनी वेळोवेळी सुचित करुनही जिल्हा आरोग्य अधिकारी डॉ. सचिन भयेकर हे मनमानी करून माहिती देण्यासाठी टाळटाळ करीत असल्याचे निदर्शनास आलेले आहे.
सबंधित माहिती ही राष्ट्रीय आरोग्य अभियान या यंत्रणेशी निगडित असून त्यात करोडो रुपयांचा निधी शासनाकडून जिल्ह्यातील आरोग्य विभागावर खर्च करण्यासाठी दिलेला असतो. यांत सर्व कर्मचारी है कंत्राटी नियुक्ती वर असल्याने नियंत्रण अधिकारी म्हणून जिल्हा आरोग्य अधिकारी व जिल्हा माता व बाल संगोपन अधिकारी याच्या माध्यमातून खर्च केला जातो.
सबंधित ठिकाणी मोठ्या प्रमाणात बांधकामावरील खर्च, व साहित्य खरेदी साठी मोठ्या प्रमाणात बेकायदेशीर पणे निधी खर्च झाल्याने व चुकीच्या पद्धतीने मनुष्यबळाची भरती केल्याने संबंधित सर्व अधिकारी कर्मचारी यांचा अष्टाचार, गैरव्यवहार उघड होण्याची यंत्रणेला खात्री झाल्याने माहिती देण्यासाठी टाळटाळ करीत असल्याचे दिसून येत असल्याने सदर आंदोलन करण्यास यंत्रणेने भाग पाडले आहे.
