आज तुमच्या आमच्यासाठी एक खास बातमी आहे. आपण शाळेत असताना आपल्याला जगातील सात खंडांची माहिती होती. पण आज एक मोठी माहिती जगासमोर आली असून या माहितीने जगाचा भूगोल बदलला आहे. पृथ्वीवर ‘आठवा’ खंड देखील आहे, ज्याच्या अस्तित्वाची पुष्टी शास्त्रज्ञांनी केली आहे. सुमारे 375 वर्षांच्या शोधानंतर हा खंड सापडला असल्याने या खंडा बद्दल सर्वानाचं प्रचंड कुतूहल आहे.
या खंडाचे नाव ‘झीलँडिया’ आहे. झीलँडियाचा शोध भूविज्ञान आणि पृथ्वी विज्ञान क्षेत्रात चालू असलेल्या संशोधनावरही प्रकाश टाकतो. मात्र, या खंडात जायचे असेल तर ते शक्य होणार नाही, कारण तो पाण्याखाली बुडालेला आहे.
दरम्यान, या खंडाचा आकार सुमारे 18.9 लाख चौरस किमी आहे, जो एकेकाळी गोंडवाना नावाच्या महाखंडाचा भाग होता. 500 दशलक्ष वर्षांपूर्वी गोंडवानामध्ये पश्चिम अंटार्क्टिका आणि पूर्व ऑस्ट्रेलियाचा भाग देखील समाविष्ट होता. तथापि, सुमारे 105 दशलक्ष वर्षांपूर्वी झीलँडिया गोंडवानापासून वेगळे होऊ लागले. हा खंड का विभक्त झाला याबद्दल भूगर्भशास्त्रज्ञ अजूनही शोध घेत आहेत. तो विभक्त होत असताना समुद्राखाली खाली बुडाला. यातील 94 टक्क्यांहून अधिक क्षेत्र पाण्याखाली आहे.
झीलँडियाचे अस्तित्व पहिल्यांदा 1642 मध्ये डच व्यापारी आणि खलाशी एबेल तस्मान यांनी नोंदवले. तो ‘ग्रेट सदर्न कॉन्टिनेंट’ शोधण्याच्या मोहिमेवर होता. मात्र, या शोध मोहिमेदरम्यान तो न्यूझीलंडच्या दक्षिण बेटावर पोहोचला होता. येथे त्याला स्थानिक माओरी समुदायातील लोक भेटले. शत्रुत्वानंतरही माओरी लोकांनी त्याला खूप महत्त्वाची माहिती दिली. तथापि, शास्त्रज्ञांना झीलँडियाच्या अस्तित्वावर सहमत होण्यासाठी 400 वर्षे लागली
टाइम्स नाऊच्या अहवालानुसार, भूगर्भशास्त्रज्ञांनी शेवटी 2017 मध्ये त्याच्या अस्तित्वाची पुष्टी केली. नवीन खंड बहुतेक पाण्याखाली आहे. जर तुम्ही समुद्रात 2 किमी खोल खाली गेलात तर तुम्हाला Zealandia चे अस्तित्व जाणवेल. झीलँड क्राउन रिसर्च इन्स्टिट्यूट जीएनएस सायन्समधील भूवैज्ञानिकांपैकी एक अँडी टुलोच यांच्या मते, झीलँडियाचा शोध असे दर्शवितो की, अत्यंत स्वच्छ असलेली एखादी गोष्ट देखील शोधण्यासाठी वेळ लागू शकतो. गोंडवानापासून झीलॅंडियाचे वेगळे होणे शास्त्रज्ञांना अजूनही समजलेले नाही, असेही ते म्हणाले.
