नाशिक – नाशिक जिल्ह्यात चांदवड महामार्गावर आज दिनांक 18 रोजी कार व कंटेनर मध्ये भीषण अपघात झाला असून या अपघातात भाजपचे माजी नगरसेवकांचा मृत्यू झाला आहे.त्यांच्यासोबत अन्य ४ जणांना देखील या अपघातामध्ये मृत्यू झाला आहे.
सविस्तर असे की,सकाळी अकराच्या दरम्यान, चांदवड तालुक्यातील नमोकार तीर्तकार समोरील मुंबई आग्रा महामार्गावर कार व कंटेनर यांच्यात भीषण अपघात झाला. या अपघात दोन्ही गाड्याचा चक्काचूर झाला. यामध्ये चार जणांचा मृत्यू झाला असून यात धुळ्यातील भाजपचे नगरसेवक किरण अहिरराव यांचा जागीच मृत्यू झाला आहे. त्यांच्या मृत्यूमुळे राजकीय वर्तुळात मोठी शोककळा पसरली आहे.
दरम्यान, अपघात झाल्यानंतर वडणेरभैरव पोलीस व सोमा टोलवेज कंपनीचे पथक घटनास्थळी पोहचले आहे. या अपघातानंतर काही वेळ महामार्ग ठप्प झाला होता. तर अपघातातील मयत हे नाशिककडून धुळे येथे चालले होते. त्याच दरम्यान अपघात झाला. यामध्ये कृष्णाकांत चिंधा माळी, रा. राम मंदिर जवळ, मु.पो. मोघन, ता. जि. धुळे, किरण हरिचंद्र अहिरराव, नगरसेवक, राहणार,धुळे, अनिल विष्णू पाटील, रा अवधान, धुळे, प्रवीण मधूकर पवार. रा. अवधान, धुळे यांचा जागीच मृत्यू झाला आहे.
