जळगाव,(प्रतिनिधी)- जिल्हापेठ पोलिस ठाण्याच्या हद्दीतील एका लॉजमध्ये सुरू असलेल्या कुंटणखान्यावर जिल्हापेठ पोलिसांनी छापा टाकून पाच महिलांसह चार पुरुषांना ताब्यात घेतले. ही कारवाई मंगळवार, दि. १२ सप्टेंबर रोजी सायंकाळी ७ वाजेच्या सुमारास करण्यात आली.
जळगाव जिल्हापेठ पोलिस ठाण्याच्या हद्दीतील एका लॉजवर कुंटणखाना सुरू असल्याची गोपनीय माहिती जिल्हापेठ पोलिस ठाण्याचे पोलिस निरीक्षक डॉ. विशाल जयस्वाल यांना मिळाली. त्यानुसार त्यांनी सहाय्यक पोलिस उपनिरीक्षक मीरा देशमुख, हवालदार सलीम तडवी,
रवींद्र साबळे, तुषार पाटील, जयेश मोरे, महिला कॉन्स्टेबल मनीषा बिरारी आणि कल्पना मोटे यांचे पथक तयार करून कारवाईसाठी रवाना केले. बनावट ग्राहक पाठवून पोलिस आत गेले. त्यावेळी मिळालेली माहिती खरी असल्याची खात्री झाली. त्या ठिकाणी पाच महिला व चार पुरुष सापडले. त्यांना ताब्यात घेतले असून जिल्हापेठ पोलिस ठाण्यात गुन्हा दाखल करण्याचे काम सुरू होते.
