मुंबई । एकनाथ शिंदे यांनी मोठं बंड केल्यानंतर ठाकरे गटातील एकापाठोपाठ एक महत्वाचे नेते शिंदे गटामध्ये दाखल होत आहेत. उद्धव ठाकरे यांच्या गटाला लागलेली गळती थांबण्याचे नाव घेत नसून अशात आता ठाकरे गटाच्या शिवसेला मोठा धक्का बसला आहे. शिवसेना ठाकरे गटाच्या प्रवक्त्या आणि विधान परिषदेच्या उपसभापती निलम गोऱ्हे (Neelam Gorhe) यांनी शिवसेना उद्धव बाळासाहेब ठाकरे गटाला जय महाराष्ट्र केला आहे.
शिवसेनेच्या रणरागिनी नीलम गोऱ्हे या पीडित महिलांचा आवाज आणि ठाकरे गटाची बाजू अभ्यासू आणि खंबीरपणे मांडायच्या. नीलम गोऱ्हे या ठाकरे गटातील महत्वाच्या नेत्या म्हणून ओळखल्या जात होत्या. नीलम गोऱ्हे शिंदे गटामध्ये प्रवेश करणार असल्याची चर्चा सकाळपासून सुरु होती.
अखेर त्यांनी आज शिंदे गटामध्ये प्रवेश केला. नीलम गोऱ्हे यांचा शिंदे गटातील प्रवेश हा उद्धव ठाकरे आणि ठाकरे गटाला मोठा धक्का मानला जात आहे.
