मुंबई : महाराष्ट्राच्या राजकारणाचा सध्या राष्ट्रवादीचे नेते अजित पवार केंद्र बिंदू ठरले आहेत. ते भाजपमध्ये जाणार असल्याची वारंवार चर्चा होत आहे. संपूर्ण घटनेमुळे येत्या काही दिवसात राज्याच्या राजकारणात मोठा राजकीय भूकंप येण्याची शक्यता वर्तवण्यात येत आहे.
अशातच राष्ट्रवादीचे नेते धनंजय मुंडेही नॉट रिचेबल आहेत. धनंजय मुंडे हे काल संभाजीनगरला जाऊन आलेत. मात्र त्यानंतर धनंजय मुंडे हे नॉट रिचेबल झाले आहेत त्यामुळे राजकीय वर्तुळात चर्चेला उधाण आले आहे.
धनंजय मुंडेही नॉट रिचेबल असून त्यांनी आपले दोन्हीही फोन बंद ठेवले आहेत. धनंजय मुंडे तडका फडकी मुंबईला रवाना झाल्याने चर्चेला उधाण आले आहे. त्यातच धनंजय मुंडे यांचे दोन्ही नंबर बंद असल्याने या राजकीय घडामोडीचे गूढ आणखी वाढले आहे.
