बंजारा समाजाचा होळी धुलीवंदन हा मुख्य सण असुन मोठ्या उत्साहाने हा समाज हा सण साजरा करत असतो
आपल्या अनोख्या परंपरेमुळे वेगळी आणि रंजक वाटणाऱ्या बंजारा होळीची लोकप्रियता आधुनिक काळातही कायम आहे. कधी काळी तांड्या वस्तीवर गुजराण करणारा बंजारा समाज सध्या आधुनिक प्रवाहात आला आहे. मात्र, आधुनिकता आणि तंत्रज्ञानात सुधारणा झाली असली तरी या समाजातील उत्सव साजरा करण्याची परंपरा आजही कायम आहे. बंजारा समाजाच्या सर्व उत्सवांमध्ये सर्वाधिक चर्चिला जाणारा सण म्हणजे होळी बंजारा समाजात तिन दिवस होळी साजरी केली जाते मुक्ताईनगर तालुक्यात टाकळी,मोरझिरा, धामणगाव, नविन बोरखेडा, जुने बोरखेडा, जोंधनखेडा, उमरा या गावात बंजारा समाजाची मोठ्या प्रमाणावर वस्ती आहे.या गावात बंजारा समाज बांधव मोठ्या उत्साहात होळी साजरी करतात.
एकनाथराव खडसे हे गेल्या तीस वर्षा पासून प्रत्येक होळीला या गावांमध्ये जाऊन होळी साजरी करतात बंजारा समाज बांधवांच्या आनंदात सहभागी होतात
आता त्यांचा हा कित्ता राष्ट्रवादी काँग्रेसच्या नेत्या रोहिणी खडसे यांनी गिरवला असुन आपल्या पदाधिकारी कार्यकर्त्यां समवेत त्यांनी धुलीवंदनाच्या दिवशी टाकळी,मोरझिरा, धामणगाव, नविन बोरखेडा, जुने बोरखेडा, जोंधनखेडा, उमरा या गावात भेट देऊन पारंपरिक बंजारा समाजाचा पेहराव धारण केला व बंजारा समाज भगिनी सोबत नृत्यात सहभागी होऊन होळी धुलीवंदन साजरे केले
यावेळी रोहिणी खडसे काय म्हणाल्या….
प्रत्येक समाजातील लोकसंस्कृतीत, सण आणि उत्सवांमध्ये विशेषता असतात त्याप्रमाणे बंजारा लोकसंस्कृतीमध्येही होळी उत्सवाचे विशेष महत्व दिसून येते.
आज बंजारा समाज बांधवां सोबत होळी साजरी केली
गावकर्‍याच्या या सामुहिक उत्सवामुळे बंजारा समाजात एकात्मता निर्माण झाल्याचे दर्शन घडते. समाजाची प्रगती साधण्यासाठी व बंजारा समाजाच्या लोककला रूढी आणि परंपरा प्रवाहीत राहण्यासाठी होळी हा उत्सव, बंजारा समाज जीवनाचे अंग ठरला आहे असे म्हणता येईल.
यावेळी होलिकोत्सवा निमित्ताने महिलानी, बंजारा, लेंगी असे वेगवेगळे गित सादर केले. परंपरेने चालत आलेली मौखिक गाणी, डफावर चाललेला लोकसमूहाचा नृत्यमय आविष्कार, पारंपरिक वेशभूषा
गाण्यामधुन परंपरा चालत आलेल्या रितीरिवाजाची जपवणूक करण्याबरोबरच सामाजिक सलोखा ठेवण्याचा संदेश दिला जातो असे रोहिणी खडसे यांनी सांगितले.
यावेळी त्यांच्या सोबत माजी सभापती विलास धायडे, बाजार समिती सभापती निवृत्ती पाटील, कुऱ्हा येथील सरपंच डॉ बि सी महाजन, जि प सदस्य निलेश पाटील, विशाल खोले महाराज,प्रदिप साळुंखे, रविंद्र दांडगे, प्रविण कांडेलकर, गजानन खिरळकर,रणजित गोयनका, माणिक पाटील, गोपाळ पाटील, बाळाभाऊ भालशंकर,शिवा पाटील, विशाल रोठे,मुन्ना बोडे, नितेश राठोड,संतोष कांडेलकर, मयुर साठे, सुशील भुते, संदिप पाटील, विष्णू पाटील, चेतन राजपूत आदि पदाधिकारी सहभागी झाले होते.
