नवी दिल्ली : केंद्र आणि राज्य सरकारकडून देशभरात अनेक योजना राबवल्या जातात, ज्यामध्ये तुम्हाला आर्थिक मदत मिळते. महिलांसाठी देखील अनेक योजना राबविल्या जात आहे. अशातच आता महिलांना सरकारकडून दरमहा एक हजार रुपये मिळणार आहेत. ‘लाडली बहना योजना’ असे या योजनेचे नाव आहे.
मध्य प्रदेश सरकारकडून ही योजना सुरु करण्यात आली आहे. मध्य प्रदेशचे मुख्यमंत्री शिवराज सिंह चौहान यांनी महिलांसाठी या योजनेची घोषणा केली आहे. या योजनेअंतर्गत महिलांना दरमहा १ हजार रुपये दिले जात आहेत.
लाडली बहना योजना काय आहे?
ही योजना मध्य प्रदेशचे मुख्यमंत्री शिवराज सिंह चौहान यांनी महिलांना सक्षम आणि बळकट करण्यासाठी बनवली आहे. महिलांना कोणत्याही मदतीशिवाय मिळणाऱ्या रकमेतून घर चालवता येते. ज्या महिला आर्थिकदृष्ट्या कमकुवत आहेत आणि ज्यांच्याकडे पाच एकर किंवा त्यापेक्षा कमी जमीन आहे, त्यांच्यासाठी ही योजना राबवण्यात आली आहे. महिलांना प्रगत करण्यासाठी लाडली बहना योजना ही योजना सुरू करण्यात आली आहे.
हे पण वाचा..
31 मार्च पूर्वी ‘ही’ कामे उरकवून घ्या, नाहीतर बसेल मोठा दंड
बच्चू कडूंनी शेवटी मनातलं ओठावर आलंच; थेट मुख्यमंत्रीपदावरच केला दावा, राजकीय चर्चांना उधाण
‘बिग बी’च्या चाहत्यांसाठी वाईट बातमी ; महानायक अमिताभ बच्चन यांचा अपघात
जाणून घ्या कोण घेऊ शकतात योजनेचा लाभ-
1. या योजनेचा लाभ फक्त मध्य प्रदेशातील महिलाच घेऊ शकतात.
2. अर्जासाठी महिलांचे वय 23 वर्षांपेक्षा कमी आणि 60 वर्षांपेक्षा जास्त नसावे.
3. शाळा किंवा महाविद्यालयात शिकणाऱ्या महिलांना या योजनेचा लाभ मिळणार नाही.
4. ही विशेष योजना फक्त मागासवर्गीय, अनुसूचित जाती आणि जमातीतील महिलांसाठी करण्यात आली आहे.
5.10 जूनपासून बहिणींच्या खात्यात पैसे येणे सुरू होईल.
6. अर्जासाठी अधिकाऱ्यांची टीम गावोगावी जाईल.
अर्जासाठी आवश्यक कागदपत्रे
1. आधार कार्ड
2. पासपोर्ट आकाराचा फोटो
3. बँक खाते तपशील
4. मोबाईल क्रमांक
5. निवास प्रमाणपत्र
6. जन्म प्रमाणपत्र
अर्ज कसा करायचा
या योजनेत अर्ज करण्यासाठी सरकार वेगवेगळ्या ठिकाणी कॅम्प लावणार आहे, तिथे जाऊन तुम्ही फॉर्म भरून या योजनेसाठी अर्ज करू शकता.
