पाचोरा | इयत्ता सहावीत शिकणाऱ्या मुलाने शेतात जाऊन गळफास घेऊन आत्महत्या केल्याची धक्कादायक घटना तालुक्यातील सातगाव (डोंगरी) येथे घडलीय. ऋषीकेश संतोष आवारे असे मृत मुलाचे नाव असून यामुळे परिसरात एकच खळबळ उडाली आहे.
काय आहे नेमकी घटना?
ऋषीकेश संतोष आवारे याचे आई- वडील आणि मोठा भाऊ कापूस वेचणीच्या कामानिमित्त दुसऱ्याच्या शेतावर गेलेले होते. ऋषीकेश हा निम्म्या वाट्याने केलेल्या दुसऱ्याच्या शेतावर शेळ्या आणि बैल चारण्यासाठी गेलेला होता. संध्याकाळी पाच वाजेच्या दरम्यान शेळ्या घरी आणून बांधून ठेवल्या. नंतर शेतात कोणालाच न सांगता निघून गेला. सात वाजेच्या दरम्यान वडिलांनी गावात व गावातीलच असलेल्या मुलाच्या मामाकडे तपास केला असता तो आढळून आला नाही.
वडील संतोष लक्ष्‍मण आवारे व भाऊ अनिकेत हे दोघे शेतात ऋषीकेशचा शोध घेण्यासाठी गेले. यावेळी त्यांना ऋषीकेश हा झाडाला दोरीने गळफास घेतलेल्या अवस्थेत दिसून आला. त्यावेळी वडिलांनी व भावाने हंबरडा फोडला. पोलीस पाटील दत्तू पाटील यांनी पिंपळगाव (हरेश्वर) पोलिसात दूरध्वनी वरून खबर दिली. पोलिसांनी घटनास्थळी येऊन पंचनामा करून आकस्मित मृत्यूची नोंद करण्यात आली आहे. मात्र ऋषीकेशच्या वडिलांनी त्याचे मृत्यू बद्दल संशय व्यक्त केला आहे.
हे सुद्धा वाचा..
‘या’ विषयावर कुणीही बोलू नये.. राज ठाकरेंच्या नेत्यांना सूचना
लग्नसराईत सोन्या-चांदीचे भाव वाढले, खरेदीपूर्वी जाणून घ्या आजचे दर
राज्यात ‘या’ जिल्ह्यात ठाकरे गटाला मोठा धक्का; युवा सेनेचे 7 जिल्हाप्रमुख करणार शिंदे गटात प्रवेश
स्पर्धा परीक्षेची तयारी करण्यासाठी आलेल्या तरुणीसोबत घडलं भयंकर..
दरम्यान, ऋषीकेशचा मृतदेह पाचोरा ग्रामीण रुग्णालयात शवविच्छेदनासाठी पाठवण्यात आला. सोमवार दि. ७ रोजी सकाळी शवविच्छेदन करून मृतदेह नातेवाईकांच्या ताब्यात देण्यात आला. दि. ७ नोव्हेंबर रोजी दुपारी बारा वाजता ऋषीकेश वर शोकाकुल वातावरणात अंत्यसंस्कार करण्यात आले.
