जळगाव – जिल्ह्यातील खरीप 2018 या कालावधीत घेतलेल्या पीकविमा योजनेतील 181 शेतकर्यांना काही तांत्रिक अडचणींमुळे पीकविमा अद्याप मिळालेला नाही. यासंदर्भात सातत्याने जळगाव जिल्हा मध्यवर्ती सहकारी बँकेच्या चेअरमन सौ.रोहिणी खडसे खेवलकर व माजी महसूल मंत्री एकनाथराव खडसे यांनी वारंवार पाठपुरावा केला होता. तरीही हा पिकविमा अद्याप मिळालेला नव्हता. जिल्ह्यातील शेतकर्यांचा हा प्रश्न त्वरित मार्गी लागून त्यांना पीक विमा रक्कम अदा व्हावी यासाठी पीकविमा काढणारी कंपनी ओरिएन्टल इन्शुरन्सचे चेअरमन गिरिजाकुमार व जनरल मॅनेजर सौम्या यांची माजी महसूलमंत्री एकनाथराव खडसे आणि खासदार रक्षाताई खडसे यांनी नवी दिल्ली येथे भेट घेतली. त्यांच्यासोबत जळगाव जिल्हा सहकारी बँकेचे कार्यकारी संचालक जितेंद्र देशमुख व सरव्यवस्थाक एम.टी. चौधरी उपस्थित होते.
