जळगाव : शालेय तसेच महाविद्यालयीन जीवनात नाटकामध्ये म्हणा, गाण्यांमध्येही भाग घ्यायचो. आता ‘बिग बॉस’मध्ये बोलावले तर सोन्यासारखी संधी आहे. मिळाली तर निश्चितपणाने जावू, असं शिंदे गटाचे पाणीपुरवठा व स्वच्छता मंत्री गुलाबराव पाटील म्हणाले. जळगावात एका कार्यक्रमानंतर मंत्री गुलाबराव पाटील यांनी पत्रकारांशी संवाद साधला. यावेळी ते बोलत होता.
गुलाबराव पाटील अनेकदा आपल्या विधानांमुळे चर्चेत असतात. अशातच बिग बॉसमध्ये जाणार का? यावर उत्तर देताना ते म्हणाले बिग बॉस’मध्ये जर कोणी बोलवत असेल आणि अशी संधी मिळत असेल तर मला माझ्या मागच्या जीवनाची आठवण होतेय, असे सांगत मंत्री गुलाबराव पाटील यांनी त्यांच्या लहानपणाच्या आठवणींना उजाळा दिला.
शालेय तसेच महाविद्यालयीन जीवनात नाटकामध्ये म्हणा, गाण्यांमध्येही भाग घ्यायचो. आता ‘बिग बॉस’मध्ये बोलावले तर सोन्यासारखी संधी आहे. मिळाली तर निश्चितपणाने जावू, असेही मंत्री गुलाबराव पाटील यांनी म्हणाले.
नुकतंच महेश मांजरेकरांना असा प्रश्न करण्यात आला होता, की राजकारणातील कोणकोणते चेहरे बिग बॉस मराठीच्या खेळात तुम्हाला पाहायला आवडतील. त्यावर उत्तर देताना मांजरेकर यांनी गुलाबराव पाटील यांचंही नाव घेतलं होतं.
हे पण वाचा :
फैजपुरात भीषण अपघात ; दोन दुचाकी एकमेकांवर आदळल्या, दोन युवक ठार
उद्यापासून बदलणार बँकिंगशी संबंधित ‘हे’ मोठे नियम ; तुमच्यावर काय परिणाम होईल? जाणून घ्या
गर्लफ्रेंडला प्रपोज करण्यासाठी गुडघ्यावर बसला, अन्.. पुढे काय झालं व्हिडीओच बघा…!
शिंदे-फडणवीस सरकारचा मोठा निर्णय ; राज्यातील ‘या’ शेतकऱ्यांना ७५५ कोटींची मदत जाहीर
राष्ट्रवादीचे विधान परिषद आमदार अमोल मिटकरी बिग बॉसमध्ये यायला पाहिजेत, मजा येईल, ते कडक बोलतात, असं महेश मांजरेकर म्हणाले होते. यासोबतच मुख्यमंत्री एकनाथ शिंदे यांच्या गटातील शिवसेना आमदार आणि फायरब्रँड नेते गुलाबराव पाटील यांची विनोदबुद्धी चांगली आहे. तसंच भाजप आमदार नितेश राणेंना बघायला आवडेल, ते एक मजा वेगळी आणतील. तसंच शिवसेना खासदार संजय राऊतही आवडले असते. ते वेगळा रंग आणतात, असंही मांजरेकर म्हणाले होते.
