नवी दिल्ली : सोन्या-चांदीच्या किंमती गेल्या काही दिवसांच्या घसरणीतून बाहेर पडू लागल्या आहेत. दोन्ही मौल्यवान धातूंच्या किमतीत पुन्हा एकदा तेजी आली आहे. आज गुरुवारी सोने आणि चांदी च्या दरात मोठी वाढ दिसून आलीय. 12 ऑगस्टनंतर सोन्या-चांदीच्या दरात घसरण झाली. मात्र गेल्या तीन दिवसांपासून त्यात सातत्याने वाढ सुरू आहे.
155 रुपये प्रति 10 ग्रॅम वाढ
सराफा बाजारात गुरुवारी सोन्या-चांदीच्या दरात 300 रुपयांहून अधिक वाढ झाली आणि 24 कॅरेट सोन्याने पुन्हा 52 हजारांच्या जवळ पोहोचले. गुरुवारी सकाळी इंडिया बुलियन असोसिएशनने (https://ibjarates.com) जाहीर केलेल्या दरानुसार, 24 कॅरेट सोन्याचा भाव 51958 रुपये प्रति 10 ग्रॅमवर पोहोचला. त्याचबरोबर एक किलो चांदीचा भाव 561 रुपयांनी वाढून 55785 रुपयांवर पोहोचला आहे.
मल्टी कमोडिटी एक्सचेंज (MCX) वर गुरुवारी सोन्याच्या दरात वाढ झाली. ऑक्टोबर डिलीवरी सोन्याचा भाव 351 रुपयांनी वाढून 51790.00 रुपयांवर पोहोचला. याशिवाय डिसेंबर डिलिव्हरीचे सोने 51719 वर चालू आहे. सप्टेंबर डिलिव्हरीसाठी चांदीचा भाव 737 रुपयांनी वाढून 55713 रुपयांवर आहे. गेल्या आठवड्यात चांदीमध्ये मोठी घसरण पाहायला मिळाली.
इंडिया बुलियन असोसिएशननुसार, 23 कॅरेट सोन्याचा दर 51750 रुपये प्रति 10 ग्रॅम, 22 कॅरेट सोन्याचा दर 47594 रुपये प्रति 10 ग्रॅम, 20 कॅरेट सोन्याचा दर 38969 रुपये प्रति 10 ग्रॅम आणि 18 कॅरेट सोन्याचा दर 30395 रुपये प्रति 10 ग्रॅम आहे. साधारणपणे लोक 22 कॅरेट सोन्याचे दागिने खरेदी करतात, त्याचा दर 47594 रुपये आहे.
