विहीरीत काम करतांना डोक्यात दगड पडून मजुराचा मृत्यू

धरणगाव तालुक्यातील पाळधी शिवारातील घटना
जळगाव :- पाळधी शिवारातील शेतातील विहिरीत कामकरत असतानां डोक्यावर दगड पडल्याने 32 वर्षीय तरुणाचा उपचारादरम्यान मृत्यू झाला. याबाबत पोलिस स्टेशनला  अकस्मात मृत्यूची नोंद करण्यात आली आहे.
याबाबत सविस्तर असे पोलिसांकडून मिळालेल्या माहितीनुसार बापू धनराज वडर वय 32 रा. धार-शेरी ता  ता. धरणगाव तो आज दुपारी पाळधी शिवारातील बापु महाजन यांच्या शेतात विहिरीचे काम करत असताना वरुन डोक्यावर दगड पडल्याने गंभीर जखमी झाला. त्याला तातडीने जिल्हा रुग्णालयात उपचारासाठी दाखल केले असता आज साडेचार वाजे पूर्वी त्या तरुण मजुराचा उपचारादरम्यान मृत्यू झाला.  याबाबत जिल्हा रुग्णालयातील सीएमो डॉ. कळसकर यांच्या खबरीवरुन अकस्मात मृत्युची नोद करण्यात आली आहे.