आंतरविद्यापीठ जलतरण स्पर्धेसाठी रायसोनीच्या विध्यार्थ्याची निवड
जळगाव- पंजाब येथील लव्हली प्रोफेशनल विद्यापीठ, फगवारा मध्ये होणाऱ्या आंतर विद्यापीठ जलतरण स्पर्धेसाठी जी. एच. रायसोनी अभियांत्रिकी महाविध्यालयाच्या बीई वर्गातील अजिंक्य प्रल्हाद वडनेरे या विध्यार्थ्यांची निवड येथे करण्यात आली आहे .
वडनेरे हा कवयित्री बहिणाबाई चौधरी उत्तर महाराष्ट्र विद्यापीठचे फगवारा येथे होणाऱ्या जलतरण स्पर्धेत प्रतिनिधित्व करणार आहे. ही स्पर्धा १ ते ४ नोव्हेबर या कालावधीत होणार आहे. अजिंक्य वडनेरे या विध्यार्थ्याला रायसोनी महाविध्यालयाचे क्रीडा संचालक संजय जाधव यांचे मार्गदर्शन लाभले असून रायसोनी इस्टीट्युटचे संचालक प्रीतम रायसोनी, संचालिका प्रा. डॉ. प्रिती अग्रवाल व रायसोनी अभियांत्रिकी महाविध्यालयाचे प्राचार्य डॉ. ए. जी. मँथ्यू यांनी अभिनंदन केले आहे.
