जळगाव- येथील जी.एच.रायसोनी अभियांत्रिकी महाविध्यालयात स्थापत्य विभागातील प्रथम व द्वितीय वर्षाच्या वर्गातील विद्यार्थ्यांसाठी आरंभ या शीर्षकाखाली फ्रेशर्स पार्टीचे आयोजन करण्यात आले होते. यावेळी डान्स, फॅशन शो, रॅम्प वॉक, शायरी, गायन आदी स्पर्धां घेत फ्रेशर्स पार्टी जल्लोषात पार पडली. नृत्य स्पर्धेतील बडे मिया छोटे मिया, नगडा संग ढोल बाजे, गलतीसे मिस्टेक, मराठी गीते अशा अनेक गीतांवर विद्यार्थ्यांनी एकच ठेका धरला. तसेच ६५ विद्यार्थ्यांनी विविध कलाप्रकारात सहभाग नोंदविला.
यावेळी मिस्टर व मिस फ्रेशर या स्पर्धेत कमलेश महाजन व पूनम कोळी तर बलून रन या स्पर्धेत सागर पाटील, तारिस पटेल, सुरभी पाटील, आलीशा तडवी, तेजस्विनी नाईक, जान्हवी चौधरी, तेजश्री सोनवणे या विजयी विध्यार्थ्याना पारितोषिके देण्यात आली. यावेळी फ्रेशर्स पार्टीचे समन्वयक म्हणून प्रा. पी. डी शिंदे यांनी काम पहिले. याप्रसंगी रायसोनी इस्टीट्यूटचे संचालक प्रितम रायसोनी, रायसोनी अभियांत्रिकी महाविद्यालयाचे प्राचार्य डॉ. ए. जी. मॅथ्यू, उपप्राचार्य व स्थापत्य अभियांत्रिकी विभागप्रमुख आर. के. तिवारी, प्रा. एस. एस. नाईक, प्रा. एम. पी. कोळी, प्रा. पी. आर. वाणी, प्रा. शंतनू पवार यासह सर्व शिक्षक शिक्षकेतर कर्मचारी व बहुसंख्येने विद्यार्थी यावेळी उपस्थित होते. सदर कार्यक्रमाचे सूत्रसंचालन अजय दत्ता, यश पाटील, मोहम्मद फैजल, शुभम चौधरी यांनी केले.
